[د/ ماجدولين]

بداية أعتذر عن التأخير..........بس بجد كان غصب عنى
دة كان باقى اللى حصل فى اليوم اللى حضرتك مش حضرتة يا دكتور نيرو
وبعد كدة أتى طالب من حاجة اسمها student's committee وقعد يكلمنا عن النشاط الغير العادى للطلبة فى تنمية الكلية والرقى بها
وطبعا طالبنا بدور إيجابى للتقدم بالكلية والرقى بها
وعرض فيديو علية بعض إنجازات الطلبة
وقال اسم الجروب ع الفيس بوك
بس الصراحة الورقة اللى كتبت فيها اسم الجروب ضاعت منى....بس ان شاء الله مش هغلب
وبعدين هما معانا فى كل حتة فى الكلية
دة كدة تقريبا ملخص اللى حصل على حسب ذاكرتى الحديدية
بس مش دة المهم
المهم بعض الحاجات اللى قالها الدكتور محمد عمر
هحاول كدة أفتكر دة
قالنا أنة (أوعى أى واحد فيكوا لما يبقى طبيب يحس فى يوم من الأيام بالتكبر والفخر والفضل على المرضى.........لأ,,,المريض هو اللى بيتفضل عليك عشان تاخد ثواب من خلالة)
الكلمة دى عجبتنى أووووووووووووووووى
وقال كمان
(مهنة الطب عاوزة رجااااااااالة..........اللى مش قدها من دلوقتى ي يحول مجال تانى.....الطب......مهنة الحفاظ على الأرواح..........وطالما دخلت طب فأنت مش عندك آى إختيار غير إنك تكون رااااااااااااااجل بجد فى المهنة دى)
وطبعا قال
(مش تخلى الدراسة فى كلية الطب تنسيك أو تشغلك عن حياتك الإجتماعية.........اعمل توازن بين كل احتياجاتك)
وأرووووووووووووووووع كلمة قالها هى
(بصوا...........آى نعم البلد فيها معوقات كتيييير وسلبيات أكتر..
بس السلبيات دى مش ينفع تكون دافع إن احنا نسيب بلدنا كدة
لأ.........احنا لازم نحاول نغير بلدنا بإيدينا للأفضل
ومن الآخر كدة.........اللى عاوز يسيب البلد
بقولوا,,,,,,,,,,البلد مش هتقف على واحد زيك,,,,,,,,بالسلامة والقلب داعيلك)
طبعا هو قال كلام كتييييييييير راااااااااائع
بس دة أكتر كلام رسخ فى دماغى
أتمنى إنى أكون قدرت أوضح اللى حصل فى اليوم دة
فى رعاية الله