[مستر خالد غباشى]

المشاركة الأصلية كتبت بواسطة زهرة الاسلام

على فكرة انا ملاحظة ان معظم اللى بيعيبوا فى الأزهر فى جميع المشاركات أزهريين . أنا معاكم إن الأزهر فيه عيوب كتير بس والله إحنا فى ايدينا إننا نصلحها يعنى المصحح الظالم ممكن نستبدله باخر عادل هتقولوا ازااى؟ ببساطة إن الجيل بتاعنا لازم يخرج منه المعلم الناجح العادل لازم يخرج منه الطبيب الناجح ومهندسين ناجحين وصيادلة ناجحين .احنا كل شوية بنتكلم عن عيوب الأزهر وخلاص طب بص وشوف انت عملت ايه للأزهر وابدأ بنفسك وبالناس اللى حواليك حاول انك تكون مثال للطالب الازهرى الناجح وقدوة للناس فى جميع تصرفاتك . ايه رأيكم يا طلبة الأزهر وأنا معاكوا إننا نبدأ مع بعض حملة ونسميها حملة صحوة الأزهر باننا نكلم الناس عن مزايا الأزهر _و العيوب اتفقنا اننا ان شاء الله نصلحها سوا_ ونبدأ نعتز بكوننا من الأزهر .وعلى فكرة مش هنقدر نغير فكرة الناس عن الأزهر لو كانت وحشة غير لو احنا غيرنا فكرتنا عن الأزهر .وعن تجربة شخصية انا اتعاملت مع استاذ كان فكرته عن الأزهر مش كويسه خالص _وده كان بسبب بعض الطلبة اللى كانوا عنده_ولكنى اتعاملت معاه كأننى أنا الأزهر كله لأنى لو مش كويسة معاه هثبت الفكرة دى عندة كنت أحاول إنى أذاكر وأجيب الدرجات النهائية عنده ووالله عشان أثبت له أن الأزهر مش زى ما هو فاكر وبجد والله فى اخر السنة اقتنع هذا الأستاذ إن الأزهر فيه الحلو والوحش زى أى حاجة فيها الحلو والوحش. وملحوظة لبعض الطلبة اللى اتظلموا وجابوا مجموع مش حلو أوى إن ده بجد مش اخر الدنيا يمكن تبقى دكتور فى الكلية اللى تدخلها وتبقى أحسن من اللى دخلوا طب وصيدلة من غير ما يحققوا تفوق وساعتها بقى هتشكر المصحح اللى ظلمك لأنك لو كنت جبت مجموع عالى كنت دخلت طب ولا صيدلة وكنت بقيت زى أى واحد مركون ع الرف بجد بجد ربنا مقدر لكل واحد المكان اللى هيتفوق فيه بس استغلوه صح وعلى فكرة انا زيكوا ما جبتش مجموع عالى قوى بس ان شاء الله ناوية أثبت نفسى فى الكليه اللى أدخلها وإنى بإذن الله أبقى دكتورة فيها...إيه رأيكوا اننا نبدأ حملتنا حتى من مواضيعنا فى المنتدى ونشجع بعض وكل واحد يبدأ بنفسه لأن الأزهر إيه غير أنا وانت وهو وهى كلنا افراد متكاملين. وياريت لا نكون يد عون لتدمير الازهر لاننا كده هنكون بنفذ جزء كبير من مخطط تدمير الأزهر فاحذروا .ويللا بينا مع بعض إيد واحدة فى صحوة الأزهر...............(اسفة جدا على الإطالة ومعذرة على طريقة الكتابة إنها بالعامية بس أنا ما عنديش أسلوب الكتابة بس حبيت ان كلامى يوصل لكم) وجزاكم الله خيرا

والله انا فرحت لما قريت الى انتى كتبتيةالمفروضاننا نخدم دينا ازى من خلال الازهر مين من اوالياء الامور بيتمنى ان ابنة سطلع زى الشيخ الشعراوى .......من نفسة ابنة او بنتة تخدم الاسلام انا اتخرجت من التربية والتعليم واشتغلت بالازهر ورفضت ان الحق اولادى بالتعليم الازهرى بس لما شتغلت فى الازهر وشفت ازى ممكن يكون التعليم صح حولت لااولادى الثلاثة الى الازهر ابنى يحفظ القران ويعرف دينة صح ...اوعى حد يقول ان الى برة الازهر يعرف دينة صح دة كلام ولو سالت حد عن اى موضوع يخص الشريعة لايعرف ابنى اوينتى دكتورة مهندسة شى سفرح بس الى يفرح اكثر ان يكون يعرف دينة كويس
الازهر منارة غصب عن الحاقدين وسيضل ..........والى بيقول ان خريج الازهر ضعيف... احنا بالازهر عندنا اطباء عن حق وكذلك كل التخصصات...... التربية والتعليم كفاية عليها فضيحة بيع الامتحانات والى جرى فيها...كل مكان فية الحلو والوحش الانسان ذاتة
........والله انا فخور لما ابتى الى فى الصف الثانى الاعدادى تصحح لنا مفاهيم درستها بالمعهد وتعرف الاية فى سورة اية انا قبل مادخل الازهر كمدرس فية كانت فكرتى عنة سيئة جدا .ولما عشت داخل الازهر عرفت قد اية انة مكان عظيم الازهر دة مستهدف من الكفرة ......حد يقدريقولى ان خريج التربية والتعليم الى بيدخل طب وهندسة خاص الان مستاوة اية
لية مفيش حد بنسمعة يهاجم القسيس او الكنيسة بس كل شوية نشوف الاقذام تتطاول عى الازهر
انا الان استطيع ان اقول اما ازهى وافتخر.ومعلش طولت شوية