الموضوع: لو داخل اولي جامعة اسأل مجرب
عرض مشاركة واحدة
  #213  
قديم 20-09-2008, 02:24 AM
الصورة الرمزية vampire1188
vampire1188 vampire1188 غير متواجد حالياً
مشرف قسم كلية التجارة والجامعات والمعاهد الخاصة
خريج - كلية تجارة جامعة القاهرة
  
تاريخ التسجيل: Jul 2008
المشاركات: 2,160
معدل تقييم المستوى: 19
vampire1188 is on a distinguished road
افتراضي
ليه وهاينفعوا ليه ؟

انا مش معايا الكارنيه بتاعي ؟ .. يبقي سوري في الكلمة طز فيه

وهايدخلني غصب عن عينه .. ولو مادخلنيش هاعمله فضيحة .. زي ماعملتها مرة قبل كدا

مرة قبل كدا ياستي .. روحت في يوم عادي جدا .. بخش من باب مترو .. الاقيلك الباب مقفول ويقولي ممنوع حاليا ..

قولتله نعم ؟ .. ليه الجامعة اتشمعت ولا مادفعتوش اقساط كهربة التكييف بتاعة المدرجات لشركة الكهربا فرفعوا عليكوا قضية حجز ممتلكات !!!!!

قالي انتا بتهزر يا افندي ؟ .. قولتله ليه شايفني لابس طربوش وبقولك يا كاظم بيه ؟!

وكنت هادب معاه .. وكان معايا طبعا ناس ورايا بيزعقوا .. المهم شوية وقالنا طب نظموا نفسكوا طابور ..

فضحكت . قولتله نعم ؟ ليه حد قالك ان فيه مخبز عيش جوا بيبع عيش مدعم ؟ .. ياعم صلي ع النبي بقي ورايا محاضرة كمان 10 دقايق والباب هايتقفل ومش ناقصة تعكيير دماغ هيا ع الصبح ..

شوية وقام فاتح الباب ودخلنا .. اخش عند العمدة كدا جوا الاقيلك صف عربيات بي امات ومرسيدسات واقفة ..

فيه ايه يا جدعان ؟ .. اصل احمد نظيف مشرف جوا في المكتبة المركزية !!!!

ربنا يخليهولنا يارب !!