[wanda]

هو انت حضرت معايا وانا معرفش

انا حضرت اول محاضرة ليا فى الجامعه

لدكتور هشام البحيرى بجد بجد انا رايحة مخصوص علشان احضرله هو ودكتور هشام سيد

بيعجبنى تحمسه وحرصه علينا ومعملتنا على اننا ولاده او زى ما قال فى المحاضرة عياله

فى المحاضرة الاولى قعدت فى البنش الاولنى وجه واحد نط جمبى غتت وقعد تقريبا انا اعرفه

او بشبه عليه بس انا بتخنق ممن ناس كتير واكتر واحد لو كان جة كونت هموته مجاش الحمد لله

مفيش عدت المحاضرة هوا ... انا روحت بقى الحمام اغسل وشى لانى كونت هفطس

مفيش تكييف جوة كونت هموت بجد مفيش دقيقه وجيت ادخل المحاضرة لقيت الباب اتقفل

بس كان لازم احضر فالمعاون قلنا جمعوا نفسيكوا لو كتار هيدخلكوا وبعد كده متتاخروش

دخلت على طول ومدوتش على مكان فاضى قعدت على السلم اللى هناك وربعت بقى وركزت جامد جداا

وهو عمل زى هشام البحيرى فى الاول وبعدين شرح وانا كتبت اول مرة اعرف انى كتبت كل حاجة كده

مخرجتش بقى وخليتنى فى مكانى... وقومت غيرت المكان ورحت قعدت فى الصف التالت
كونت قاعده جمب ناس كده

يلا مش مشكلى المهم فوجئت ان الدكتور اتغير بواحد تانى

ولقيته اتعصب من اول مدخل وفجاة لقيت المدرج بيفضلى كلة بيخرج

انا كونت هقوم بس شكلة هيشرح حاجة وفعلا شرح وانا كتبت حوالى 4.5 صفحات وخط متوسط ومش صغير

احسن حاجة بجد انهم بيشرحوا وبيكتبوا على اساس يسهلوا الكتابه علينا

اخر المحضرة كونت عايزة حد يشيلنى يودينى البيت

كونت هموت وكمان وانا مروحة اتخبطت فى شجرة وانا دخلة بيتنا رجلى اتخبطت جامد

ام هند

روحت باب المترو لسه سنه اولى ومعرفش اننا اخر ناس فى الجامعة بيروحوا

لقيته مقفول رجعت لحد باب تجارة وبعدين خرجت ومشيت حته صغيرة اووى لحد المترو مكونتش اصلا قادرة اطلع فوق

طلعت بالعافيه ودخلت اول منزلت تحت لقيت على طول المترو جة دخلت على طول عربية السيدات

بصراحة حظى انها وقعت قدمى على طول

قعدت على الارض كان زحمة اووى وانا رجلى مش شيلانى بجد

روحت بيتنا على الساعه 5.30 بالظبط..

اترميت على الكنبه اللى فى الصاله.. وبعدين حولت افوق شويه دخلت اتوضيت وصليت...

مفيش ثانيه المدفع ضرب والاذان اذن

جريت على طول خلصت المية الساقعه اللى فى التلاجة وارتحت

شوفتوا يومى مرهق ازاى ربنا كان فى عونى وروحت بيتنا سليمة نوعا ما :P