[* sweetheart *]

السلام عليكم و رحمه الله و بركاته ..

بالنسبه لسؤال محمد يسرى خالد ..

المواد اللى هتدرسها فى اولى الترم الاول ..

محاسبه ماليه .. و دى سهله اوى .. و لو احتجت اى حاجه انا تحت امرك .. ممكن اقولك تاخد كورس فيها فين و كده ..

رياضه تطبيقيه .. برده دى ماده لذيذه جداً .. انا اه كنت شيلاها بس كانت حلوه اوى .. .. و برده لو عايز تاخد فيها كورس ممكن اقولك تاخد عند مين و كده ..

اقتصاد جزئى .. تحس انه اقتصاد من بتاع الثانويه العامه .. يعنى من ماده الاقتصاد و الاحصاء و لو كنت اخدتها هتبقى الماده زى الفل معاك ان شاء الله ..

اداره اعمال .. معظم مواد الاداره بيحبوا الرغى الكتير .. يعنى فى الامتحان زرق اكبر مساحه ممكنه من ورقه الامتحان .. ..

اقتصاديات موارد و تطور .. مش فاكره الماده دى خالص .. ..

رياضه بحته .. طبعاً لو كنت ادبى .. و دى ماده فى اللذيذ كده .. و ثانويه يعنى لو لا قدر الله شيلتها .. مش بتأثر على نتيجتك .. بتاخدها كل سنه لحد ما تعدى فيها ..

مدخل قانون .. كانت ماده تقيله على قلبى بس الامتحان بتاعها جه جامد جداً .. 3 اسئله و نختار منهم اتنين .. كان جميل اوى .. معظم دفعه انجلش بيشيلوها .. مش عارفه ليه .. ..

نصيحه يعنى .. سنه اولى سهل اوى اوى انك تجيب فيها تقدير .. متضيعهاش من ايدك الفرصه دى ..

احضر المحاضرات و بلاش تنفيض .. انا الترم الاول فى اولى .. كنت بحضر بس مش بذاكر .. دخلت الامتحان عندى معلومات عن المواد لانى حضرت قبل كده و فاكره حاجات .. الترم التانى محضرتش و دخلت الامتحان بقيت عامله زى الجاهله اللى مش عارفه تعمل ايه فى الامتحان ..

فــ بلاش تحط نفسك فى الموقف ده .. و احضر من الاول و اكتب المحاضرات .. و ركز مع الدكاتره ..

المواد بتاعت اولى دمها خفيف .. بس حسب الدكتور اللى بيديك .. مقدرش افيدك فيهم اوى ..

و ربنا يوفقك ان شاء الله .. و يوفقكوا كلكوا ..