اقتباس:
المشاركة الأصلية كتبت بواسطة mr fahmy
أستاذ / رضا حسب الله
مسيرنا نلاقي ناس زيهم
الواحد منهم كان بوزارة كاملة
من غير كادر طبعا
أو علي الأقل نلاقي ناس بيحاولوا يقلدوهم
في حبهم للعلم والفضيلة ومكارم الأخلاق
والأمانة العلمية والألتزام
مش في الموضة
وبمناسبة العام الدراسي الجديد
والنبي ياجماعة تقولوا لنا
إيه الجديد السنة دي اللي أنتوا شايفينه
وهل موضة الكادر
بكرانيش ولاسادة
ولا حتبقي من غير جيوب
حاكم الواحد زهق من الجيوب
اللي ملهاش لازمة
وهل القماش مشجر ولاَّ أسود كحل
وأوعوا حد يقولي إيه شغل الترزية ده
ياريت كنت ترزي
دا انا كنت فصلتلكم كادر علي مقاس كل واحد
مش زي الكادر اللي مفصلاه الوزارة
حتة واحدة من غير ماتظبطة
ده حتي من كتر ماهوه ضيق
ييجي الواحد يلبسه يلاقيه يروح متقطع
علي رأي المثل
المتغطي بكادر الوزارة ع....
يا أستاذ رضا حسب الله
أنا قلتلكم قبل كده
الكلام الحلو بيتعبني يا جدعان
فما بالكم لو كان بخصوص الكادر
دا لو فيه كلام حلو عنه
الواحد حايطب مغشيا عليه
ربنا يستر |
انت حكايه لوحدك يا مستر فهمي والله...مهاراتك في التعبير مدهشه بجانب انك فيلسوف المنتدي الاول الا ان هناك وصف اخر المسه دوما في كلامك...انت بلا ادني شك الضاحك المبكي... وقلما تواجد في هذا الزمان من يجمع بين الصفتين في ان واحد...ربنا يبارك في ذريتك اللهم امين