عمو حسين عبدالباقي راجل أخلاقه عالية وراقي
لكن يا خسارة مهواش لاقي ومد إيده لكل الناس
كل اللي حيلته «معاش هايف» قبل ما يقبضه بيكون سالف
ويجي ليسد مهوش عارف يركبه شر الوسواس
من مطروح لمصر جي وشايل قفة مليانة مشاكل وقوايل
عايز حد ينصفه مش طايل الكل مات فيه الإحساس
أنا سمعته وشفته علي المحور حمله فوق طاقته وأكتر
ودخله محدود وعياله بتكبر ومش لاقي حق مداس
الراجل بيعيط علي حاله ويتحسر خايف علي عياله لتتبعتر
هوا مش لاقي وغيره بيتعطر والفقير دايماً منداس
أربع بنات علي وش جواز إشي مخطوبة وإشي واقفة علي البوتاجاز
والثالثة والرابعة عايزين إنقاذ وعلشانهم بيشرب مر الكاس
يارب نظرة من الحكومة للمعاشات يفكو عنهم كل حصار الأزمات
ويكرموهم داهمه الخير والبركات وتستحق أيديهم تنباس
|