بوابة الثانوية العامة المصرية - عرض مشاركة واحدة

#3 24-09-2008, 09:21 AM

اقتباس:

المشاركة الأصلية كتبت بواسطة بنوته اهلاويه

بموت فى الردود دى

وحرصا ع سلامه باقى الاعضاء انا هحط الاسئله وخلاص .. عشان جبت اخرى انتو هتعملو الموضوع ع السنه اللى جايه
وافتكر ان الللى هيجى ابقى اشوف الاجابه ع السنه اللى جايه

1 - مين اكتر شخص بتأتمنه ع اسرارك ؟؟

انا مش بحب افضفض

2- عضو حاسس انه مش اخد حقه فى المنتدى ؟؟

emoo

3- موقف ندمت عليه ؟؟

توقيعاتى من الجينرال

4-اكتر حاجه بتستفزك ؟؟

الاستظراف

5-القدره ع المسامحه يعنى مثلا واحد صاحبك كذب او ضحك عليك فى موقف ؟؟ هيكون ايه رد الفعل هل هتسامح ولا لع؟؟

ممكن بس بعد ما اتخانق معاه
6-حاسس انك شخصيه محبوبه ولا حاسس ان الناس بتهتم بيك عشان كونك مشرف ادارى ؟؟

ساعات وساعات

7- اخر مره عيطت فيها بردو ؟؟ بحب السؤال ده جداا

تقريبا وانا بقشر بصل من اسبوع

8-احسن فتره قضيتها فى المنتدى كانت امتى وكنت ادارى ولا مشرف ولا عضو عادى؟؟

عضو طبعا
9- العيب اللى انت بتكرهه فى المنتدى؟؟

التكرار
10-امتى بتتخنق من عضو مثلا لما تكون ردوده سلبيه بمعنى امتى بتاخد موقف من عضو لما تشوفه عمل ايه؟؟

لما بيسيب الموضوع كله ويدخل فى حوار جانبى مع عضو او عضوة ويبئا فاضل نجيب اتنين لمون وشمسية

11-اكتر حد قريب ليك من المكان ده؟؟

كاعضو ولا مشرف ولا ادارى

12- واكيد مين اللى نفسك يمسك المنتدى غير استاذ اشرف

الاستاذ عصام وهو فعلا حاليا اللى ماسك المنتدى
13-السؤال المعتاد

حط عضو قدام الكلمه اللى بتوصفه

عصبى

الاسطورة

متهور

براءه

نشيط

ترفيل
مؤدب بزياده اكيد كله مؤدب يعنى
مفيش حد مؤدب اليومين دول
مثقف
بورسعيدى
مبدع
سعيد
ذكى
بوسعيدى
مستفز
عضو جديد
بارد
بسام فرنكنشتين
خفيف الدم
خالد
ناقد
الاستاذ عاطف خليفة
يائس
دكتور زومبا

اكتر مدرس بتعزه فى المنتدى وحاسس ان ليه دور كبير
الاستاذ عصام والاستاذ محمد سرور الاستاذ عاطف

حد شايف انه سابق سنه
أحمد رضا - براءه

اكتر ردود بتعجبك لمين
أحمد رضا - سعيد - ترفيل - اسدات - عادل - بسام - خالد

واكتر مواضيع بردو
احمد رضا - براة - السادات - عادل - سعيد - اسدات - بنوته اهلاوية ساعات

مين اكتر حد كنت بتخاف تدخل معاه فى نقاش
أحمد رضا وخالد وبسام

ورايك مين احسن ادارى بصفتكم التلاته اداريين ماشاء الله
اختار حد بتحس انك عاوز تبقى زيه وفى ايه
وقصدش زيه زيه ..يعنى زيه فى حجات كويسه فيه.. حد فاهم حاجه
بصراحة احنا التلاته عايزين عمره
14- امنيه حققتها وواحده نفسك تحققها ..
ها
15- هل انت شخصيه مؤمنه بالمستحيل يعنى فى حجات بتقول خلاص لا انا مش هحاول ده مستحيل حتى لو فى غيرك حققها
اها طبعا
16 - امتى حسيت انك عاجز ؟؟ العجز عن اداء شيء معين
يعنى لما بشوف شخص محتاج المساعدة ومش بقدر اساعده
مش شرط تكون مساعدة مادية
17 -وسواء اللى كان ع الكرسي محمد او اسلام او محمود

كل واحد يقول رايه فى الاتنين التانين
محمد السادات
محترم واخلاق زير ...... كبير
محمود عصبى شوية وساعات بيفكر غلط بس طيب جدا

18-فى حاجه فى حياتك مش قلتها لاى حد ومش هتقولها ولا انت شخصيه واضحه والناس عارفه عنك كل حاجه؟؟
لا فى اسرار كتير عندى بس انا بطبعى بحب احتفظ لنفسى بكل حاجة
19 -بردو من سلسله الاسئله الغبيه اخر مره استندلت فيها ولا انت اصلا مش ندل ؟؟ عادى كلنا فى مره حسينا ان احنا استندلنا فى موقف سواء بقصد او غير

مش فاكر

20 - اكتر موقف زعلك فى المنتدى ؟؟وفى حياتك
يعتبر اخر موقف حصل , فى حياتى كتير متعديش

21 - واكتر موقف فرحك فى حياتك وفى المنتدى ؟؟
يعنى لما القلة وقفت مع بعضها فى الموضوع الاخير
وفى حياتى لما مصر اخدت كاس الامم

22- الحجات دى بتعنيلك ايه الصداقه .. الالم .. الحب مع انى مش بقتنع باول واخر حاجه بس نشوف رايك
الصداقة كنز لا يفنى
الالم ده شى طبيعى ممكن نحس بيه واحنا بنخلع ثنه او ضرس
الحب بئا كلمة والسلام

23-مين اول حد هتقله له عيد مبارك
أخواتى
24- ايه الحجات اللى بتفكر فيها قبل متنام ؟؟

25-اكتر مكان بتحس فيه بالامان او بتروحله لما تكون زعلان ؟؟
البيت
26-لو مثلا معاك ورده اول حد هتتدهالو .. انا من رايي تروح تزرعها افيد
مش بحب الورد بيجبلى حساسية

27-مين المثل العلى او الشخصيه اللى نفسك تكون زيها؟؟

محمد على تتخيلى

28-اكتر حد بتحب تتكلم معاه ؟؟
أنا
29- كتاب مفضل وكاتب مفضل ؟؟
مش كتاب محمد بس عمتا بحب اقراء فى التاريخ والسياسة
وفى كتاب قريته من فترة اسمه مدافع أب
مفيش كاتب مفضل
30-لو خيروك بين اتنين تقتلهم الفقر او الجهل تختار ايه ؟؟ مع التعليل
لو اصبح الاتنين حاجة مادية ممكن اقتل الجهل مع انه فى بعض الاوقات بيكون نعمة
31 - مجموعك فى الثانويه العامه ؟؟ واكتر ماده بتكرهها
86 الفيزياء والرياضة مع انى كنت ادبى
32-بمان الجميع تمنى الموت فى يوم من الايام .. امتى وليه
يعنى يوم وفاة اعز شخص عليه من 4 سنين الكلام ده
33-اكتر اكله بتحبها
البامية
34-مين المتوقع بالنسبه ليك انه يكون معاكم فى الاداره او شايف مين يستحق ممكن تذكر اكتر من شخص
بسام - سعيد بس رفض - خالد - المجاهد الله يسميه بالخير

35-من رايك ايه الافضل التجاهل ولا الرد وامتى بتلجأ لاى منهم ؟؟

الرد طبعا افضل وبلجأ ليه لما يكون الموضوع يحتاج الرد او النقد وساعات لما يكون الموضوع محتاج النقد

36- ايه رده فعلك لو حد حسسك انك غبى وقام بتجاهلك ومش رد عليك وحسسك انك اقل منه ؟؟

هل بتحاول تثبت العكس ولا بطنش ونقول هو هيعرف انا ايه فى يوم من الايام
هثبتله أنه ولا حاجة

37-الفرقه اللى بتشجعها وطبعا رايك فى الكوره اللى هيقول عليها تفاهه ههحط اساله رخمه فاحذروا بئا
بشجع اللعبة الحلوة بس عمتا انا مش غاوى كورة بكتفى بمشاهدة الاهداف واللى بيقول عليها تفاهه معاه حق
انا ليه احرق اعصابى على لاعب كسب او خسر بياخد فلوس

38 - اكتر حاجه نفسكك تتحقق او شايفها ان دى فيها سعاده الشعب المصرى غير ان عمك الحاج يتوكل
العصيان المدنى

39 - بتسمع اغنى ؟؟ ولو مش بتسمع ليه ولو بتسمع لمين ؟؟
ساعات بسمع ممكن لكاظم الساهر اصالة الاغانى اللى فيها شجن
عبد الحليم اوقات كتيرة
40-شخصيه فى المنتدى كنت شايفها بشكل وحسيت ان النظره دى غلط يعنى رايك كان غلط سواء انت كنت حاسس انه كويس لقيته وحش او العكس .. وياريت مثال لكل منهم
بلاش نجيب فى سيرة الناس
بس هو عارف نفسه
41-افضل الاقسام اللى بتحبها فى المنتدى ؟؟
العام والكادر
42-ايه اكتر حاجه ناقصه المكان ده عشان تحس انه رجع للفتره اللى انت كنت بتحبها فيه ؟؟
مهرة وفتاة _ الاسلام
صيدلانية - البرى - اسلام رشوان
43-مين اللى ممكن تضحى بحياتك عشانه ؟؟
لو بصيغة الماضى كان ممكن ارد

44-اكتر حاجه بتحرجك؟؟
التشويه والظلم
45-تقول ايه للشخصيات دى او توصفهم بايه او عاوز تقول ايه لما لاسم ده بيجى فى دماغك ده لو جه يعنى
سواء عيوب حجات كويسه اللى فى نفسك قوله

صوت الحق
اب تانى ليا

استاذ بورسعيدى
قمة العقل والحكمة

احمد رضا
اخويا الصغير

دكتور سعيد
ربنا يوفقك فى مستقبلك

مصطفى فتحى
بلاش تبئا سلبى

فرانكشتاين
لمض بس هو عارف انا بحبه قد ايه

اشرف
ربنا يهديك

ايمن
ممكن اقول عليه هادى وهو الوحيد اللى مش واخد حقه هنا
مساميدو
حمد الله على سلمتك والحمد لله ان الجيش عده على خير
خالد الجن
نفسى اقبلك

استاذ بدوى الدجوى
بلاش تسرع فى القرارت

جينرال
اتقى شر الحليم اذا غضب

دول الولاد

نيجى للاخوات

اسدات
موضعها فى غاية الروعه وليها اسلوب

ترافل
رغاية اوى بس دمها زى العسل وجريئة ومش بتخاف
بنوته مسلمه
هادية جدااا وطيبة وبرضه مش وخده حقه هنا
بنوته اهلاويه
رقيقة اوى (سمحنى يارب ) مش هكدب تانى

ارق ملاك
تقريبا العضوة الوحيدة اللى اسمها مناسب عليها

شيرين او بلاك روز
هى حاسه انى بكرها مع انى مش بكرها بس برضه
مش بحبها مش عارف ليه

ميس رانيا
اختى الكبيرة

ضى القمر
انسانه كويسة

تيمون وبومبا
شقية اوى
معتبرانى زى باباها بالظبط

46 - جريده مفضله ؟؟
المصرى اليوم
47 - عضو مفتقده ؟؟
مهرة
48-لو انت هتسيب الاداره وقالولك اختار حد مكانك لغايه مترجع تختار مين
بسام

49-اخر مره كدبت فيها؟؟
من نص ساعة

50-البلد اللى نفسك تسافرها ؟؟
6 اكتوبر

51-وبعدين الطريقه اللى عاوز تموت بيها
اموت فى سريرى

52-بتحس ان كتير من الناس شايفينك ازاى بالرغم انك مش كده
مش عارف بحس كده انهم شايفنى مختلف مش عارف ليه
طبعا طبعا

اللى هيعد

ويجاوب حد من التلاته

انا حطيت اسئله عامه

لانى معرفش مين اللى جاى

وهو تقريبا اسلام

ماعلينا

اى كان

فدى مقدمه

لسه باقى الناس مش قالت حاجه

وبالتوفيق

بس ياريت مش حد ييجى يجاوب من بره التلاته

عشان نفسيتى هتتعب

حاجة جميلة خالص
ممكن لو سمحته بعد اذنكم الاسئلة متتعداش التلاته لكل عضو
لان 52 سوال حرام بجد يعنى
ده الوزير قايل الامتحان 5 اسئلة وفيهم واحد اختيارى
ميبقاش كده
ياريت لو سمحته ميكنوش اكتر من 3 اسئلة علشان الوقت بس
وشكرا ليك يابنوته على الاسئلة ويارب مشوفش اسئلتك تانى فى الموضوع