يا شباب
ادخلوا السنة براحة
ما تستعجلوش على العلم اوى...وانا عارف انكوا بس سخنين فى الاول فى كده
انتو ابتبقوا سخنين نفسيا مش اكتر
يعنى سخونية على الفاضى...من الاخر مش بتعملوا حاجة
وبتبداوا تصحصحوا...بعد الميدتيرم
اللى انا بشبهه ب" القفا اللى بتاخده على غفلة"
ساعتها بتعرف وضعك وانك مفتحتش حاجة فى المنهج وانك مزنوق
ساعتها الموضوع ده هيشتغل
والاسئلة تكتر....والشغل يبان
انما فى الاول....خدوا فكرة عن الكلية واحضروا المحاضرات...
وياريت محدش يعمل روميو ويمصلح نفسه على البنات بمعنى
ما تحبش كتير...ما تعيش اللحظة كتير....ما تحسش انك حاجة كتير....لان كل ده بيروح ويبقى المقبول او الضعيف جدا
انا بكلمكم عن خبرة ( طبعا الخبرة مش فى المقبول
)
المهم ادينى بخش كل فترة وفترة
ولما يكون فى اسئلة فى اى مادة... ان شاء الله هحاول اجاوب لكم عليها
طبعا اللى بيقول مين الاخ اللى بيتكلم ده اساسا
معاكم خالد اولى اتصالات...