[COoL HEaRT]

المشاركة الأصلية كتبت بواسطة frankenstein

خلقنا من أجل التفكير
عاجبي أوي الاسم دا

البشر ممكن يكونوا مخلوقين للتفكير

هتلاقى حد بيعترض ويقلك اتخلقنا للعباده واكيد اتخلقنا للعباده مش فيها كلام بس اللى هيخليك مدرك هو عقلك اللى ربنا حبهولك عشان تفكر وتتفكر فى خلقه فى قدرته واعجازه

واحتمال برضه العقل هو الوسيلة المتاحة او الموجودة للتفكير .... معلومة جديدة

بس فين العقل او إيه الجزء الموجود ف جسم الإنسان اللي ممكن نسميه عقل او مركز للتفكير

احتمال المخ .... لو جبنا طالب اعدادي وسألناه عن المراكز الموجوده ف المخ مؤكد حتكون اجابته

ان المخ بيحتوي ع الجزء الخاص بالاحساس بالجوع ..العطش .. الإبصار ..........الخ

يعني مفيش جزء خاص بالتفكير

اينشتاين قبل وفاته وهب عقله للدراسه عشان نعرف ايه سبب عبقريته او ذكائه لعل وعسي نعرف فين

انا سمعت الموضوع ده وبردو سمعت ان مخه وزنه اكبر معرفش ده حقيقه ولا ايه بس ماعلينا مش موضوعنا

مركز الذكاء او العقل والنتيجه عدم وجود فرق بين مخ ايشتاين ومخ أي اهلاوي

احم احم .. خلى بالك من الكلام للموضوع يتحذف

وايه شكل الفكر او الطريقه اللي بيفكر بيها الانسان هل هي موجوات كهربائية او مغناطيسية او حتي كيميائية

دا سؤال

ايه شكل الفكر سؤال وجيه والحقيقه معتقدش ان فى اجابه واضحه
بس المعروف ان التفكير اصلا حاجه معقده جداا ليه انواعه .. وهو وظيفه ذهنيه بس هو عامل ازاى او كده معرفش الحقيقه .. بس ايه اهميه المعرفه دى يعنى المفروض اهتم باللى هفكر فيه اما سؤالك ده فنا مش فاهمه انت هتوصل بيه لايه لانى حاسه لو ان السؤال وصلى حاسه انه علمى يعنى
بس زى معرف التفكير بيكون ناتج من عمليه ذهنيه مع خبره وذكاء وبكده تعرف تفكر وعندك انواع تفكير كتيره تفكير علمى واللى حاسه ان الموضوع ده بيقع تحت اطاره فى تفكير ابداعى فى تفكير نقدى وغيرها


تاني جزئية افتراضا باننا عرفنا فين العقل ...الاهم نحدد مين المسيطر العقل ام الجسد مين التابع ومين السيد

اكيد العقل ازاى الجسد هو اللى يكون سيد .. اعتقد انه العقل

يعني كمثال وجه أحد الناس سؤال لكونفوشيوس الراجل ده بيقول كلام كويس مش صينى بردو دول اللى عندهم التفكير مش احنا ..يلا ماعلينا خلينا فى موضوعنا
عن سر قلق قطيع م الماشية فكانته اجابته هي وجود أحد الذئاب

بعد البحث رجع الشخص مره تانية لكونفوشيوس ووجه له نفس السؤال ليه القطيع قلق رغم عدم وجود ذئاب

فكانت اجابته ان الراعي الغافل اشبه بذئب يعني بسبب اهماله وغفله اصبح فرد ف قطيع الذئاب اللي بيهدد القطيع .

كتوضيح العقل هو الراعي ... القطيع هو الجسد ..... الذئاب هي الهموم والمشاكل ...يعني بسيطره العقل واخضاع الشهوات والرغبات لقدره العقل ممكن يكون القطيع قادر ع مواجهة ذئاب القلق او الهموم .

طيب مانت جاوبت ع نفسك يبقى العقل هو المتحكم من غير شك

فى حاجه شفتها وانا بدور فى الموضوع ده دلوقتى جمله لجبران خليل جبران
ان العقل لو استقل عن الجسد قيد اهوائه اما الاهواء لو لم يرافقها العقل كانت لهيبا

تالت جزئية لو حددنا مين السيد العقل ام الجسد" غالبا العقل " لازم يكون فيه منهج للتفكير او منطق للوصول للمعرفه يعني ازاي نتعلم اننا نفكر م الابسط للاصعب للاكثر صعوبة .



يعني ازاي نفكر ف اسرار الكون و الوهية الخالق مع عجزنا الواضح عن معرفه اسرار الخلية .

بص يابسام اكيد معروف ان مااوتينا من العلم الا قليلا باستمرار البحث الواحد بيعرف وبيكتشف اكيد بجهلنا للحجات الصغيره دى زى الخليه مثلا الانسان بيحاول يعرف وكل مايعرف بيكتشف جهله وبيزيد ايمانه بربه
فنا بردو مش فاهمه سؤالك ازاى تقول ازاى نفكر فى .. كل حاجه وليها مجالها يعنى فى جماعه بتبحث فى كذا والاخرى بدور فى موضوع اخر واللى بيحاول يعرف فى اسرار مثلا حاجه صغيره زى الخليه وظيفته مش اقل من البحث فى اسرار الكون لان البحث فى اى شيء مهما كان صغير يعتبر تفكر اصلا يعنى المثال اللى انت ذكرته جزء من اسرار الكون لان اسرار الكون مش مقتصره ع الكواكب والنجوم .. جناح الباعوضه سر احنا مش عارفين نعمل زيه يعنى سؤالك مش مظبوط هنا

رابع جزئية .


ايه قدرات العقل البشري ... ايه الفرق بين العقل البشري والعقل الالكتروني ..يعني مثلا أي آله حاسبه بخمسه

جنيه ممكن تحل مسأله معقده ف في فتره شبه معدومة بالمقارنه بانسان عادي ... بس المقارنه بين عقل الانسان

والعقل الالكتروني مؤكد ظالمة جدا للعقل البشري .


هو الفرق ن الى عمل الاله انسان يعنى الانسان عمل وسيله تساعده وتسهله عمل حاجه تتفوق عليه من ناحيه السرعه مثلا والدقه
بس فى الاخر مين اللى عمل دى مهو الانسان نفسه يعنى حلقه مفرغه
بس المعروف ان الذكاء البشرى لا يفوقه ذكاء ومخك بكل خلاياه وتركيبه المعقد بيفوق اى اله مصنوعه لان مهما كانت دقه صنعها مش هتوصل للتعقيد المخ البشرى

العقل البشري بيمتلك قدرات خاصه او قدرات خارقه بتحريره من محدودية الجسد ممكن نوصل للعقل المجرد من حدود الجسد .



يعني مثلا شخص زي يوري جيلر كان بيمتلك القدره علي لوي المعادن بمجرد أن يمر اصابعها عليه ..والاعجب أنه يستطيع أنه يستطيع أن يفعل ذلك عبر التلفزيون فيركز عينه علي المشاهدين الذين لا يراهم .

بالنسبه للموضوع ده فانا مش فاهمه انا حاسه انها حاجه ربنا حباه ليه مثلا فى بنت ليها القدره ع انها تنزل دموع من الزجاج يعنى معتقدش انها قدره عقليه اكتر من انها منحه الجزء ده مش فاهمه قصدك فيه او مش عارفه هو بيقوم بثنيها باستخدام القدره العقليه ازاى

ياتري ممكن يجي يوم نقدر فيه نحل الغاز العقل البشري او نوصل لاسباب الذكاء او العبقرية وايه الفرق بين عقل انسان وآخر

معتقدش ولو عرفنا هنكتشف ان فى حجات كتيره مش عارفنها وهنفضل فى دوره طويله ندور ونعرف ونكتف جهلنا اكتر واكتر

يالا مش مشكله

خلصت خلاص

موضوع جميل وغريب

متشكرين بس انا حاسه ان دماغى وجعتنى

جايبنا يمين وشمال

يلا مش مشكله