[قاموس الحياة]

انا اول يوم ليا فى هندسة اسيوط كان حاضر معايا اخويا واول دخول لينا فى مدخل كلية الهندسة الشيك دا قابلنا رئيس الجامعة وكانت فى صحافة وتصوير وكدا
قرب علينا نائب رئيس الجامعة وقالنا انتو اخوات ولا شبة بعض فالر د كان(لا احنا شبة بعض) تلقائيا
المهم انا واخويا كنا واقفين نتريق على المشهد كان مضحك لان الحرس كانو ماسكين لاسلكى وقاعدين يرفعوة ويمسكوا بطريقة غريبة عشان يطلعوا فى التصوير مهمين يعنى
قرب علينا رئيس الجامعة واحنا ولا فى دماغنا مين دا وقعد يسألنا حبة اسألة المهم لقينا الصحافة والتصوير شغال علينا فحسينا انة فى حاجة
وبعد المشهد ما انتهى معظم الطلاب جات وقالت فى لهفة (هوة كان بيقول لكم اية هة هة) وموظفين الشئون قالوا هوة انتوا اول ماتدخلوا كدا تقابلوا رئيس الجامعة
المهم كان عندى محاضرة رسم الغريبة إن اخويا دخل معايا(اخويا مخلص جامعة من زمان)وحضر المحاضرة والدكتور كل فترة يبص لة (طبعا شكلة كبير) بس بجد كنت مرعوبة من ظهور مشكلة بس الحمد لله عدت على خير وانتهى اليوم