[zaad]

المشاركة الأصلية كتبت بواسطة marwa 2008

ياجماعة لو سمحتم الى واخدين احياء فى2

المشاركة الأصلية كتبت بواسطة marwa 2008

عايزنهم يشرحولنا طريقة مذاكرتها

حبيبتى أنا قلت طريقة مذاكرتى
وحقولهالك تانى عشان خاطر عيونك
بس الاول صلى على النبى
أهم حاااااااااااااجة كتااااااااااب المدرسة
دى أهم حاجة والله
أكيد انت زعلانة ومكتئبة لانك بتقعدى فى الدرس مش فاهمة حاجة
عارفة
انا كنت بروح وأتصل بالبنت اللى الاستاذ بيكتب فى كشكولها واسالها هو الاستاذ وصل لحد فين.........؟؟؟
آه والله
بس عارفة كنت بعمل ايه عشان استرجع اللى قاله
كنت برجع من الدرس أقرأ الدرس اللى احنا اخدناه من كتاب المدرسة الاول وكنت ساعات بذاكره مذاكره يعنى من الكتاب لكن ساعات مش بيكون فى وقت فبقرأه بس مجرد قراءة
بس والله القراءة دى مهمة اوى
وبعد كده بذاكر الدرس تانى قبل ما تيجى الحصة التانية من مذكرة الاستاذ
بس فى ملحوظة أنا كنت بذاكر من مذكرة الاستاذ لانه كان بينقل من كتاب المدرسة يعنى مش بينقص حاجة
لكن لو الاستاذ اللى انت بتاخدى عنده بينقص يبقى اعتمدى اكتر على كتاب المدرسة
المهم
الاستاذ بتاعى كان عامل مذكرة اسئلة بس مجمع فيها كل الاسئلة بتاعة الكتب الخارجية
وكنت بحلها فى كراسة والاستاذ ياخذها ويصححها ودى كانت ميزة حلوة فى استاذى
بس
والاستاذ كان بيعمل مراجعة امتحان كل 4 فصول
والحمد لله عمرى ما جبت الدرجة النهائية فيها
فأوعى تتعقدى من امتحان الاستاذ حطه أو كده
لان امتحان اخر السنة بيبقى سهل مش زى ما انت فاكره
اه
نسيت اهم حاجة
الاحياء يا جماعة عايزة رغى يعنى لما تجاوبى عن سؤال لازم تكتبى كل الحاجات المتعلقة بالسؤال مش الاجابة المباشرة بس لا لازم تكتبى كل حاجة انت عارفاها عن الموضوع

هذا ما اعلم والله تعالى اعلى واعلم
وربنا يوفقك