[COoL HEaRT]

المشاركة الأصلية كتبت بواسطة Mahmoud_taha

السلام عليكم ورحمة الله
وعليكم السلام ورحمه الله وبركاته
كالعادة مش عارف ابدا الموضوع ازاى
حد قالك تكتب
المهم انا كنت قاعد بالليل كدا مع نفسى وكانت
الكهربا مقطوعة كالعادة
يادى النيله ع الكهربا دى
فجه فى دماغى موضوع
اللى نعرفه احسن من اللى منعرفوش

هو ايه بقا اللى نعرفه وايه اللى منعرفوش؟؟؟
السؤال دا اكتر من تلاتة مليون اسرة مصرية عارفة اجابته
والاجابة
اللى نعرفه (
الفقر )
اللى منعرفوش (الغنى )
شوف كام مليون فرد فى مصر تحت خط الفقر

تخيل كل حاجة
تخيل ان فى ناس ممكن تنام من غير عشا
تصور ان ناس العشا بتاعها بيجى من باريس فى طيارة
تخيل ان فى ناس ممعهاش ثمن رغيف عيش
تخيل ان فى ناس معاها فلوس ممكن تحل مشاكل بلد بحالها
تخيل ان فى ناس ممكن تنام ف الشارع
تخيل ان فى ناس عايشة فى قصور لوحدها
بس دا مش تخيل دى حاجات حقيقية وموجودة فعلا

ملعش يامحمود انا مش شايفه ان فى مشكله
طول عمر البشريه فى فقرا وفى اغنيا
وهنفضل كده مش هيحصل اى تغيير
حتى ايام الرسول صلى الله عليه وسلم
كان فى فقرا وكان فى اغنيا
يعنى مفيش غلط نوهائي فى كده
بس الرسول صلى الله عليه وسلك كان بيحاول يحقق العداله الاجتماعيه
بين كل الافراد
وخاصه فى موضوع الاسكان والتغذيه
وده اللى مشي ع نهجه الصحابه
فمثلا عندك الفاروق عمر بن الخطاب رضى الله عنه
واللى معروف عنه عدله
فكان بيمشي بليل يدور ع حد فقير فسمع ام بتقول لولادها انها هتعمل الاكل وهى كانت بتغلى ميه من غير اى طعام
وبتحاول تصبرهم
وفى وسط كلامها دعت او
اتكلمت ع عمر بن الخطاب
تخيل عمل ايه ده طبعا بعد مبكى
شال اشوله قمح او ذره حاجه كده
انا مش فاكره بالظبط
وراح وداها للست دى
طبعا شكرته
المهم اللى عاوزه اوصله
ان الجوع شيء عادى
والفقر عادى ولولا وجود الفقر مكنش فى غنى
المشكله مش فى الفقر المشكله
ان الواحد يحاول يلاقى حل

طب ومين السبب فى كدا
مين اللى ضرب الاسعار وخلاها بقت مولعة كدا
مين اللى خلا العدس اللى البط بتاعنا ميرضاش ياكلو بقا ب 12 جنيه او اكتر
مين اللى زود المرتبات 20%
وزود الاسعار 50%
يعنى ايه موظف يقبض 250 جنيه فى الشهر
يا ترى هيقضوه اكل وشرب ولبس ومصاريف وتليفون وكهربا و...و...و...

الحكومه عندك اعتراض

هى دى بلدك يا محمود عاوز ايه
الغلبان بيداس ومحدش بيعبره
الوسايط الفلوس الرشوه الحرايمه الكلاب اللى عايشين وسطنا ملوك
وبلاش اكمل لانى هلبخ

مع ان غيره بيقبض 10000ملطوش ومتبطر بردو ومش عاجبينه وبيحلم بالزيادة
دا غير الارقام المهولة التانية
10000 جنيه
بس
ده غير اللى سرقوا بنوك وهربوا
غير اللى قتلوا الغلابه سواء عبارات او دويقات
عاتى عاتى
اسميل فانت مصري

البلد نظامها معروف
يا
فقير يا غنى

اما الطبقة الوسطى دى تكاد تكون معدومة

مش معاك فى دى نوهائى الطبقه الوسطه كتيره مش قليله
انا وانت واللى رد تحتى واللى رد فوقى كلنا طبقات متوسطه
يعنى الفقير هيفضل فقير
اما الغنى هيفضل غنى
بردو مش شرط

فى حجات بتاعت ربنا تيجى تخسف بيهم الارض
والغريب انك تلاقى اغنى ناس فى البلد الفنانين( والراقصات ) ولعيبة الكورة والنصابين والمرتشين
والاغرب انك تلاقى افقر ناس فى البلد هما الناس اللى عارفين ربنا ومبيقبلوش رشاوى
يعنى الواحد علشان يبقا غنى ويقدر يساير المعيشة يا يبقا نصاب
يا مرتشى

انا عن نفسى شكلى هتوكل على الله واشتغل رقاصة

هههههههههههههههههه
هقلك ايه كده البلد كلها هتيجى معاك
المسالة محتاجة شوية تفكير
هى البلد اللى مخليانا كدا
واللا احنا اللى عايزينها كدا
لا كده ولا كده
مش البلد الحكوووووووومه الملعووووووونه
لا احنا عاوزين نبقى كده
ولا البلد
اللى ماسكها ممكن
الموضوع ممكن يكون ملخبط شوية ( ودا بسبب الكهرباء )
انت روح دور ع مكان تانى يا محمود
ايه موضوع الكهربا ده
لا هو مش ملخبط بالعكس موضوع جميل

ممكن تلاقينى دخلت الخطوط فى بعضها
بس المهم انكو عرفتو ايه اللى نعرفه وايه اللى منعرفوش
ودمتم فى رعاية الله

متشكرين ع شويه النكد دول يا محمود والله انا مش لاقيه رد بعد الرغايه اللى فوق دى بس ادينى قلت رايي

سلاااااااام

وتنبيه انا مش دخلالك مواضيع غير لما تصلح الكهربا

انت عدتنا

عشان كده ردى طالع بالشكل الغريب ده

كلامى بالازرق