[SmSm Basha]

السلام عليكم ... ازيكم يا جماعة ... كل سنة وانتوا طيبين بمناسبة عيد الفطر ..... ارجو من الله يكون الجميع في احسن صحة وحال

وانا قاعد عند الحلاق (الكوافير يعني ) لقيت واحد جنبي بيحلق هو كمان و عمال بيقول للراجل لو عندك حاجة جديدة تقدر تعملهالي في شعري وللا اقولك مش هينفع الحاج عبده مش هيرحمني او حاجة زي كدا (عرفت ان الحاج عبده دا ابوه ) و بعدين قام قايل للحلاق والله دي حاجة تخنق انا نفسي اعمل حاجة جديدة في شعري دا انا امنية حياتي اني اعمل حلقة جديدة او حاجة جديدة في شعري انا سمعت الكلمة دي حسيت اني اتصدمت كأن حد شتمني وللا حاجة قلت لنفسي ... دي امنية حياته !!؟؟؟ دا شاب من الشباب اللي بناخد عنهم في كتب القراءة !!!.. شباب المستقبل بناة الغد حماة الوطن !!؟ ؟؟!!؟ دول اللي هيرفعوا اسم مصر ؟؟! ؟؟ وللا دول اللي هيعزوا الاسلام؟؟! ؟؟ .... امنيته يحلق شعره ؟؟ .... قعدت اقول لنفسي هو الجدع دا مش بيحس مش عارف الكارثة اللي احنا عايشين فيها ؟؟ .... البلد في طريق مظلم لا نعرف نهايته ... والمسلمين في ضلال مستمر ولا يحاولون حتى التفكير من اجل تغيير انفسهم ... طيب الجدع دا لما بيشوف غيره اطفال ورجال ونساء ممن لا يجدون قوت يومهم الناس اللي مستعدة تعمل اي حاجة عشان تعرف تعيش ... يا ترى بيحس بايه ؟؟؟!! اكييد مش بيحس بحاجة لانه لو كان حس بيهم مش كان قال كدا كان قال امنية حياتي اقضي على الفقر او اصلح البلد او اغير فكرة الغرب عن الاسلام .... لا ازاي و دي تيجي ؟؟ و غيره وغيره من اللي راكبين عربيات ومشغلين اغاني فبل الادان بربع ساعة وللا هامه حاجة وللا يعرف ان احنا في شهر اسمه رمضان وللا غيره معلش والله العيب مش علييه العيب على اللي سمحله يركب عربية زي دي تمنها يحل مشاكل جييل باكلمه ... لييه كدا يا جماعة فيين التغيير اللي بنحاول نغيره في نفسنا ؟؟!! طيب احنا بنتشتكي من الحال السيء لييه اذا كان احنا وضعنا كدا ؟؟

هو في امل فعلا ان احنا نتغير ؟؟ ... والله من ساعة ما سمعت الكلام دا من الشاب دا وانا قلت لنفسي عليه العوض و منه العوض عليكي يا مصر !!!!

ربنا يسترها عليينا وعلى الاجيال القادمة ويحفظها ان شاء الله ويجعلها افضل مما سبقوها و تكون عزة الاسلام وانصلاح الاحوال على ايدهم

قولوا آمييين

اسف جدا على الاطالة
واتمنى اعرف ايه رايكم في الكلام دا؟؟