[محمد.فوكس]

لا يا راجل حرام عليك... ده كلية الهندسة ساعات بيطلقوا عليها اسم كلية العاطلين..
أنا اعرف ناس خريجين هندسة و فاتحين سوبر ماركت.. بس ده ملهوش دعوة بمستوى الكلية .. كلية الهندسة كلية حلوة اوي.
و بالنسبة لأصل الموضوع .. كل عيلة عايزة ابنها يطلع مهندس او دكتور "او ضابط" لأن دول فعلا اكتر مهنتين بيدوا للواحد برستيج.
و عارفين كمان ليه... لأن دول تقريبا المهن اللي ليهم ألقاب بس... يعني:
الدكتور راح ..البشمهندس راح ... .. حضرت الضابط جه... (مع ان لقب دكتور لا يطلق على احد الا اذا حصل على درجة الدكتوراه و ليس بالضرورة في مجال الطب..لكن عندنا ما شاء الله الطالب او ما يشوف بطاقة الترشيح بتاعته فيها طب بقى اسمه دكتور).
يعني مثلا عندك كلية زي الاقتصاد والعلوم السياسية كلية قمة للادبي.. بس ملهاش لقب لكن لو قلت لحد انا خريج اقتصاد و علوم سياسية هيبقى اسم الكلية تفتخر بيه لكن ملكش لقب.. يعني مش هيقولو خريج الاقتصاد و العلوم السياسية راح و خريج الاقتصاد و العلوم السياسية جه.
عايز اعرف رأيكم في رأيي.
و بعدين في سؤال كده كمان عايز اعرف رأيكم فيه .. ما بين كليات القمة نفسها مين احسن طب "الدكتور" ولا هندسة "البشمهندس"؟ و أنا عارف اجابتكم و انا اللي هقولكم ليه.