[فيفا]

المشاركة الأصلية كتبت بواسطة احمد رضا

جميل الموضوع يا فيفا

وله اوجه كتير ممكن نتكلم فيها

يعني بالنسبة للطفل

فاسلوب الثواب والعقاب هو اسلوب مهم جدا واحد طرق التنشئه الاجتماعيه
لكن مش معني الصواب والعقاب اني امسك الولد او البنت بالنبوت
وطاخ طاخ
لاء مش ممكن
الثواب والعقاب الضرب احد صوره بس
لاء احنا الشعب الجميل اللي بتتغير عنده كل المفاهيم
الثواب والعقاب قد يكون بتجاهل الطفل
قد يكون بمخاصمته
قد يكون بتهديده

ده من ضمن الطرق يا احمد انا قلت فى مليون طريقة غير الضرب
لكن مثلا نيجي للضرب
فأحيانا بيكون مهم جدا
لان الطفل بيبقي عامل زي المسمار اللي اتعوج شوية
ومفروض نعدله
مينفعش ندادي في المسمار يعني


ايه
الطفل اتعوج ولازم نعدله
ومسمار
انت ليك علاقة بالنجارين ولا ايه


لاء هنطرق عليه لغايه ما يتظبط شوية
بس دي حاله قصوي
مش الضرب عمال علي بطال
لان الضرب والقسوة علميا ً ونفسيا
بيؤدي لتربيه شخص عدواني بشكل رهيب
لان شخصية الطفل بتكون عامله زي الصلصال بتتكون
فلما افضل اضرب في الصلصال من كل حته
هتفضل فيه ندبات لو متعالجتش وكبر علي كدا
هيبقي فيه خلل

ده اكيد طبعا
معظم اللي متضربوش كتير - اللي زيي - اكثر انفتاحا علي العالم وبيقدر يتعامل مع الناس كويس
بالرغم من اني اتفرمت يجي تلت مرات
بس بردو مش كل مرة


ههههههههههه
ما بلاش فضايح بقى

بس الضرب مفروض فرض تام في بعض الحاجات
الخاصه بالادب
والتدين
والذوق
لان الحاجات دي لو ضاعت في الصغر
خلاص
" التعليم في الصغر كالنقش علي الحجر "

الرسول الكريم علمنا حتي في علم النفس حاجة

قال صلى الله عليه وسلم: (مروا أولادكم بالصلاة وهم أبناء سبع، واضربوهم عليها وهم أبناء عشر) رواه أبو داود الحسن.

يعني في سن الطفولة المتأخرة
يجوز الضرب لتعديل ما بقي
لان فيه بعض الصفات لو اتنقلت من مرحله الطفولة المتاخرة لمرحله المراهقه

كمان قالنا ف حديث تاني ان الطفل ميتضربش فوق عشر ضربات ومش علي وجهه
عن النبي صلى الله عليه وسلم أنه قال : (إذا ضرب أحدكم فليتق الوجه) رواه أبوداود.
وبحدود

انا مقصدش يا احمد الضرب العادى الضرب اللى يعدل الطفل زى ما انت قلت
انا بشوف بضرب بافترى والله صدقنى
ضرب لو واحد عنده 20 سنة مش هيستحمله
بجد حرااااااااام
ثانيا الرسول الكريم حدد أداه الضرب تكون عامله ازاي
حدد انها تكون زي عصايه او خشبه كدا ومش ناشفه اوي ولا رطبه اوي عشان متعورهوش
الضرب له قوانين كمان
* ميكونش في مكان واحد
* ان يكون بين الضربه والضربه زمن
سبحان الله
* ميكونش فيه تهويش كمان
عشان الألم ميزدش

للاسف يا احمد مفيش حد بيعرف ايه هى اصول الضرب زى ما انت بتقول
بيلطشواااا وخلاص
انا ضد ده اوى واكيد انت كمان

علي فكرة المعلومات دي مش دينيه بس
علم نفس التربيه بعد 1400 سنه وضح ان الشروط التي ذُكرت بشأن ضرب الإنسان بصفه عامه وضرب الاطفال بصفه خاصه
هي معلومات صحيحه تماما

----
بالنسبه للمجرمين والكلام ده

فده واجب لا شك فيه ولا جدال
مفروض وبيكون وسيلة قريبه
لان لما تجبيلي مجرم عنده 25 سنه
خلاص مينفعش فيه تعليم
ولا ينفع فيه عقل
ولا ينفع فيه حاجة
يبقي يتعاقب ويتظبط
لان مينفعش ادادي فيه
عدت المرحله دي
وده اللي بينطبق عليه مثل المسمار اللي اتعوج بشكل وحش
ولازم الطرق الشديد عليه عشان يتعدل
--
لا يا احمد سورى مش معاك فى ديه
يعنى تجيب مريض نفسى وتنزل عليه ضرب وتقولى يتعدل
لا ده حرام يا احمد والله
والمسجون ده ما هو اتعاقب على جريمته ودخل السجن هو ده مش عقاب ولا ايه
خلاص هنعمل فيه ايه تانى
؟؟
شكرا لموضوعك الجميل يافيفا
مواضيعك جميله ماشاء الله

مرورك هو الاجمل بجد يا احمد
منور
بس انا مختلفة معاك شويه