السلام عليكم ورحمة الله وبركاته
أولاً أهلاً بيكي معانا أختي ورود معانا في المنتدى
ثانياً بالنسبة لمشكلتك مع مدرستك.. انا شايفة انك تحاولي تتكلمي معاها، تفمهي منها إيه اللي مضايقها منك وباعدها عنك بالطريقة دي.. ممكن يكون فيه سوء تفاهم حصل بينك وبينها، ممكن يكون - والله أعلم - حد يكون نقل كلام غلط عنك ليها أو قال كلام انتي ماقولتيهوش عنها فزعلت منك وصدتك.. المهم ان الحكاية دي مش هتتحل إلا لما تواجهيها وتكلميها وتقعدي معاها تشوفي إيه اللي غيرها منك، لإن الرسايل مش هتنفع خالص في الحكاية دي، لازم كلامكم يبقى مع بعض وجهاً لوجه وكل واحد يقول ايه اللي مضايقه من التاني..
وفي النهاية مافيش حد هيعرف يحل الحكاية دي غيرك انتي لوحدك لإنك الوحيدة الأعلم بملابسات موضوع ضيقها منك.. وحرصك على إيجاد حل لهذه المشكلة إنما يدل على مدى حبك وإعتزازك بهذه المدرسة..
بإذن الله أكون قدرت أفيدك...
السلام عليكم
__________________
<div align="center"> <span style="font-family:Comic Sans Ms">ما أصعب أن يعطي الإنسان،، ثم يُقابل عطاءَه بالنكران</span></div>
|