اقتباس:
المشاركة الأصلية كتبت بواسطة m.leader
ربنا يخليك اخي شريف علي رايك بس انا ليا سؤال
انت حطيت الصوره دي بمناسبه فرحك ولا ايه؟
ومالقيتش الا الاتنين اللي ماتوا اكلينيكا من سبع سنين دول ؟
طب كنت قلي وانا اخترلك صوره تليق بعريسنا الغالي
اوعي العروسه تاخدك مننا ياعم شريف يعني وانت في الكوشه هنجيبلك لاب توب وتدخل معانا وتشارك واكيد الفرح هيكون مختلف جدااا.....شوفت انا افكاري تودي في داهيه ازاي ؟
|
ههههههههههههههههههههههههه
أضحكك الله
والله يا حبي انا بطبيعتي كنت اتمني اشتغل زي احمد رجب الكاتب الساخر اللي في الاخبار (اكيد عارفه)
وحواليا مجموعة رسامين كاريكاتير يعبروا عن افكاري اللي تودي ف داهية برضه !
اصلي بحب رسوم الكاريكاتير جدا وانا اساسا خطاط وبحب كمان الرسم بس هوا ده وجه التغيير للصورة بتاعتي
وبعدين بحب التجديد ...وحرام عليا الاعضاء الافاضل قرفانين من موضوع الكادر والغلاء والحياة ويتصبحوا بخلقتي كل يوم فقلت ارحمهم شوية باي رسمة او صورة تبعث علي الابتسام
الاتنين فعلا شكلهم ماتوا من عشر سنين !! بس انا حاططهم كده تفاؤلا بموضوع الجواز وربنا يستر علينا جميعا
وعموما العروسة عارفة انها ليها ضرة وكلمتها كتير عن المنتدي وهيا كمان استفادت منه جدا واديت لها نماذج امتحانات لانها مدرسة انجليزي زي عريسها
هات انت بس اللاب توب وشرفني الفرح وانا اسيب العروسة والمعازيم وكل الناس واقعد معاك ع النت