[vampire1188]

الحمدلله انا مش معادلة !!


والله انا عن نفسي بحس ان بتاع الثانوية العامة اللي دخل الكلية .. بيبقي برستيج بمعني اصح .. بس في نفس الوقت مانقدرش نهضم حق طالب المعادلة في حق دخولة الكلية ..

ومجلس الجامعات اكيد مش هايطبق نظام غلط .. والا كان دكاترة الكلية نفسهم اعترضوا على النظام اللي ماشي ..

بعدين ماتنسيش ان طالب المعادلة دا .. مر بامتحان شامل .. وماتنسيش انه عشان يتسمحله دخول الامتحان دا لازم يكون مر عليه 5 سنين .. وبمجاميع عالية وفي مواد تجارية صرف !! .. فشئ طبيعي انه يكون اكثر تفوقاً ودراية من طالب الجامعة لإن فيه نقاط كتيرة خاصة في المحاسبة (عقدة الكلية) مرت عليه قبل كدا ..

والكلام دا زيه زي طالب الايه يو سي اللي بيعمل امتحان معادلة معادلة الانجليش اللي عن طريقه بيلتحق بالجامعة .. ودا حقه طبعاً .. لإن الجامعة بتبي عاملة الامتحان دا بطريقة ومتطلبات معينة .. وفي حالة مرور الطالب او الممتحن بنجاح في الامتحان دا.. بيبقي له الحق انه يلتحق بالجامعة زيه زي طالب الثانوية الامريكية بالظبط ..

فاحنا بلاش نيجي على حد او نظلم حد .. زي ماحنا لينا حق .. هما برده ليهم حق والمفروض نرحب بيهم برده ..

بس حبيت افضفض معاكم

فضفضي براحتك وعادي جدا .. بس في الموضوع المختص بدا "يوميات تجاري مطحون" لمجرد بس منع تداخل الردود معا بعضها .. عشان انا عارف ان فيه 20 واحد بعدي هايخش يناقش الموضوع دا .. بالتالي عنوان الموضوع هايبدأ يفقد مغزاه ..

ياريت تكون نظريتي وصلت .. وكل عام وانتي بخير ،،،،،