اولا اسمي يميميم موش يوميوم
مش هتفرق كتير بالنسبالي الاتنين ملهومش معني في دماغي يعني مثلا لما اجي اقولك سفنكش بن هتفرق كتير عن فسبن كش مش هتفرق كتير
المهم انك بخير
انيا تقدر تقول فعلا انا مبحبش اشوف حد قدامي ممكن يعمل حاجه غلط ومقولوش حتي لو موش من حقي وحتي لو انا مثلا فاهمه غلط وانا في حالتك كنت فاهمه غلط
شويه يعني بس علي العموم تخلي بالك موش اكتر
الله المستعان
ثالثا نكمل بقي بقيت الاسئله انا عجبني قوي كرسي الاعتراف
1- يا تري عاجبك ؟وليه لأ وليه اه ؟
اه عجبني لإني عرفت موقفي بالنسبه لناس كتير ايه ولقيت ناس كتير مهتمه لأمري وعايزه تعرف عني وده شئ اسعدني
2- لو باباك جالك وقالك انت هتتجوز البنت دي هتتجوزها مع انك لا بتحبها ولا اتعرفت عليها ولا شفتها وعاوز تخنقها هتعمل ايه ساعتها وهتعاملها ازاي يا فل
هعاملها بكل زوق وهقابلها بس عشان صورة والدي مش اكتر - بالرغم من انه عمره ما هيعمل كدا - وهفهمه واحده واحده وأوصله وجهه نظري
3- امتي تستعمل نظريه لا اسمع لا اري لا اتكلم ؟ انا دي عارفه الاجابه بس انما موش لاقيه اسئله جامده الصراحه ؟
لما ألاقي ان اللي قدامي مش فاهمني ولا هيفهمني ولا فهمني
4- لما جيت سالتك قلتلك ايه العيوب اللي فيك وعلي الاقل سبع صفات انت مقلتش غير واحده وكتبت النتايج هتضحك علينا 
صباح الفل يا باشا ايه هما يستحيل يعني مفكش غير العصبيه يعني
خلاص قلنا تلاته ؟
العصبية زي ما قولتلك
عدم الإنتماء شوية
العند
5- ايه الموقف اللي انت عيطت فيه وانت كبير موش وانت صغير ؟
موقف اتظلمت فيه كدا
6- هل انت صديق بابا ولا صديق ماما ؟
والدي
7- انت نمام ولا بتحب الغيبه اكتر ؟
زيي زيك
8- لو حد في يوم من الايام ظلمك هتعمل ايه ؟ ولو معرفتش تثبت الحقيقه تعمل ايه ؟ وهل هتفقد الثقه في الناس اللي حواليك ولا لأ ؟
لاء مبفقدش الثقه في كل اللي حواليه لاني مش بثق بسهوله في اللي حواليا
9-هل توافق ان اختك الصغيره العسل دي تكتب برضه هنا معاك في المنتدي وطبعا دي حريه شخصيه عاوز تجاوب جاوب موش عاوز علي راحتك ؟
لما توصل لسنك وتبقي زيك هبقي اخليها تعمل زي اللي بتعمليه
10 - هل في حد غالي عليك ومات بعد الشر علي كل اللي انت تعرفهم طبعا بس عادي انا ليا ناس ماتوا وعزاز عليا جدا وتقريبا كل الي ماتوا بحبهم لدرجه الجنون وعملت ايه لما ماتوا وكانت حالتك عامله ازاي
لاء محصلش وحتي لو حصل هزعل شوية وبعدين هنسي كعاده الخليقة منذ بدئها وبعدين لو انا هفضل حزين واعيط والطم يبقي فين الإيمان
هزعل للفراق لكن دي سنه الحياة " إنا لله وإنا إليه راجعون "
11- انا كنت متوقعه انك هتقول لما يبقي معايا فلوس كتير هفتح مستشفي مثلا هعمل مشروع لشغل الشباب هل مجاش في بالك ولا انت نفسك فعلا تعمل ؟
اسئلتك مش عارف فيها حاجة غلط علي ما اعتقد
بس حكايه اني مقولتش دي سهو مش أكتر
انا نفسي في حاجة واحده بس اعملها وبدون تبرعات
اني أعمل دار للمتسولين والشحاتين اللي في الشوارع من معاقين او كويسين
واعملهم دار رعايه دي نفسي بجد
12- احسن موقف تتعامل فيه ببرود لما حد يعمل حاجه تضايقك .
هل الكلام دا صح ولا غلط ؟ تحب تطبقه في حياتك ولا لأ
آها في معظم الأوقات كدا ببقي بارد جدا بس لغايه ما اغلطه وبعدين اطلع عصبيتي بقي واحده واحده
13- الصفات دي يا تري موجوده في مين من الاعضاء ومتقلش عند اي حد موش عارفه دور وتقول بجد
1- سوسه : أحمد رضا علي حد قول ترافيل
2- مجامل : السادات
3- كثير الكلام ثرثار يعني : مش عارف
4- متهكم حد تاني غير اللي انا قصدي عليه : ايه الفوازير دي إسلام وبسام وخالد
5- متفائل : أرق ملاك
6- متشائم : أنا
7- عنده امل في بكره ودا غير المتفائل : أنا
8- ذكي : إسلام
9- غبي ومتقولش موش عارف بس لأ حرام ننم علي الناس عاوز تجاوب جاوب بس انا بريئه من الذنب دا لاني حذرتك : موش عارف
10- رخم : معرفش
11- متسامح : استاذ عصام
12-بيحب الانتقام : أنا
13-كريم : الحمدلله و استاذ عصام وزيزو وإسلام وايمن دول اللي اتعاملت معاهم في النقطه دي
14- طيب : إسلام وصوت الحق ومصطفي فتحي
15- رومانسي ولد وبنت : مش هنقول عشان منتفهمش غلط
16- كثير الضحك بطيبه او يعني بمرح : مش عارف
17- كثير الضحك بهبل : مش عارف
18-ممكن يضحي بحياته في سبيل الناس : دي اشتغاله صح ؟
19- ممكن يضحي بنفسه في سبيل العلم ولعلمك هو في هنا كتير بس انت رايك ايه : انا وزيزو
20- بتاع بنات 
: معرفش ربنا يسهل لعباده
وللاجابه علي السؤال بلييييييييييز يرجي وضع عليالاقل
هههههههههه
اسئلتك حلوة
بس اللي تحت دي شبه الصفات اللي فوق
فحذفتها