[beautiful pearl]

الفصل الاخير

بعد ما نور فكرت و استرجعت اللى فات وصلت لقرار بعد ما اكتشفت انها ما كنتش بتحب احمد لان طول الخمس سنين ما اشتقتش ليه كان عادى لكن كان بس واحد بتفكر فيه اما تسمع اغنية او لما اصحابها يحكولها عن قصصهم يعنى كانت بتقضى بيه غرض لان الحب مش كده مش ده الحب و قررت انها توافق على محمد و فى فترة الخطوبة لو اتكيفت معاه و لقت نفسها و اتأكدت من حبه هتوافق و تكمل
و قالت لمامتها على الموافقة علطول
و قالت مش هتقول لندا على الموافقة غير لما تشعر ان ده قرار فعلا و بالليل قبل ما تنام صلت صلاة استخارة و نامت
اليوم التانى
ندا عندها امتحان اليوم ده مادة ايه ما اعرفش المهم تعالوا نستعرض
الساعة 7
نور نايمة
محمد نايم برضه
ندا بتراجع و تدى بصة اخيرة
و احمد نايم برضه

بعد مرور 3 ساعات
الساعة 10 صباحا

نور و محمد و احمد فى المكتب
و ندا فى اللجنة ربنا معاها دعواتكم بقى
المهم
بعد ما خلص الامتحانات ندا خرجت مطمنة شوية محلتش وحش و لا حلت حلو يعنى اهو حلت و احمد اتصل بيها يطمن عملت ايه فى الامتحان طمنته و قفلت و بعدين نور اتصلت بيها و اطمنت عليها و عرضت عليها تعدى عليها فى الكلية يخرجوا يتكلموا شوية ندا وافقت و اهو تغيير بعد جو الامتحان خرجوا و قعدوا يتكلموا
نور:امتحانك الجاى امتى
ندا:كمان 3 ايام
نور:ربنا معاكى انتى عامله ايه مع احمد
ندا:الحمد لله احمد طيب اه صحيح ما تقوليش انك خرجتى معايا النهارده
نور:ليه؟
ندا:اصله بعد الامتحان اتصل و قلتله هاروح و قفل و بعدين اتصل تانى بعدك قالى نخرج قلتله لا
نور:معلش لو كنت ازعجتك معايا و تعبتك
ندا:لا انا اصلا ما كنتش هاخرج معاه انا خارجة من الامتحان و مش مجاوبة كويس و مش عايزة اعكنن عليه او اقلقه صحيح انتى عملت ايه مع محمد
نور:ما عملتش حاجة
ندا:ازاى
نور:ابدا ادينى بافكر و صليت صلاة استخارة و مستنية حبة كده اشوف لو ارتحت و لا لا
ندا:باذن الله خير
نور:خير ان شاء الله طب تعالى نروح لانك اكيد ميتة نوم
ندا:على رأيك و اهو نكمل كلامنا فى السكة

و صلت ندا البيت ميتة نوم
و نور روحت
و بعد 3 ايام نور وافقت و محمد جه اتقدم و نور كانت مفهمة مامتها انها لو ما اتجوزتوش مش هتتجوز تانى و مامتها رضيت
و جرت مراسم الخطوبة و فى فترة الخطوبة لقت شخصية رائعة هتبقى من نصيبها و كملت و كتبوا الكتاب
و بيجهزوا الشقة
و ندا خلصت امتحانات و مامتها وفقت انها تكمل دراستها هى و متجوزة
و هما كمان بيفرشوا الشقة
و احمد و محمد اتفقوا يعملوا فرحهم فى يوم واحد
و كان فرح خرافى و راحوا يقضوا شهر العسل مع بعض
و هما اصحاب جامدين قوى
لكن ندا بعد ما اتجوزت مع الدراسة تعبت شوية لكن احمد شايل عنها حاجات كتير و قاعدين مبسطوين و مية مية
و نور حامل و محمد طاير من الفرحة و منتظرين البيبى
و احمد كمان نفسه بس على مين ندا بتدرس و هما اتفقوا انهم يأجلوا الموضوع ده

تمت بحمد الله

يا جماعة انا بشكركم بجد علي متابعتكو للحلقات
ويارب تكون عجبتكو