[quote=مشتاقة لرضا الله;817292]
2- هل نظرتك للفقراء نظرة شفقة ام احتقار ام ناس طبيعين وعاديين
شفقه وتعاطف وعظه
4-جبت كام فى الثانوية العامة (من غير لف ولا دوران)
طيب قوليلي ممكن يفيدك في ايه السؤال ده وانا اجاوبه ؟
انا مبقولش عشان الحسد بصراحه
اقتباس:
انا عندى اعتراض على الجزئيتين دول لو سمحت
اولا كلنا هنا اخوات واكيد مش هنحسد بعض
وكل اللى هستفيده من السؤال ده
انى اعرف المجموع وبس ههههههههه
عادى يعنى ومش متنازلة عن اجابة السؤال ده
|
ههههههههه براحتك متتنازليش ده حقك
وانا بردو براحتي مش مجاوب ده حقي
الديموقراطية للجميع
الجزئية التانية بقى ليه بتنظر للفقراء النظره دى؟
انا كنت متوقعه تقول انهم ناس طبيعين جدا
وان حضرتك مش بتفرق بين الطبقات الاجتماعيه
ياريت حضرتك توضح الجزئية دى بقى
-- تعالي بس نقول تعريف الفقير الأول .. الفقير علي حد معرفتي المتواضعه هو من وجد أقل من نصف كفايته أو لم يجد شيئا أصلا لو انا بقي نظرتله علي أساس انه شخص عادى
يبقي كدا أنا هضيع حقه .. انا مش بقول هنفرق في المعامله .. بس هنفرق في الحق
مش هتكبر عليه يعني .. لاء هتعاطف معاه لان التعاطف مش بيجي غير بعد الشفقه مش حكايه اني متكبر بقي او بفرق بين طبقات المجتمع
ماذا تحلم ان تكون؟
بحلم أوصل لدرجه مبقاش محتاج أي حد فيها غير ربنا سبحانه وتعالي
هل تحب الزيارات العائلية والى حد؟
آه معظم الأوقات بحبها
اذا مددت يدك لتسلم على فتاة فامتنعت من ذلك امام الجميع ماذا تفعل؟
الحمدلله عمرها ما حصلت معايا .. لإن مذ دخولي طور الرجولة عرفت الإتيكيت الخاص بالسلام
ان الرجل لا يمد يده لإمرأة إلا لو مدت يدها هيا ويُكتفي بالإيماء البسيط والإبتسامه الخفيفة
فى اى محافظه تعيش؟ وفى اى حى تسكن؟ واى مصيف تحب؟
البحيرة مؤقتا ً - مرسي مطروح
ماذا تحب اكثر ان يزورك اقاربك ام تزورهم انت وعائلتك ؟ام انت بمفردك؟
عادى مش هتفرق كدا هشوفهم وكدا هشوفهم
مش هتفرق كتير
هل تلجا للنفاق فى بعض الاحيان؟
نفاق لاء .. دبلوماسية آه
هل الذكاء صفة تختلق مع تنمية المهارات ام انها غريزة فطرية تحتاج الى تنمية؟
كلنا بدأنا من نقطه واحده في الذكاء بس الذكاء ده عامل زي السباق شخص بذل مجهود أكثر من التاني
وفيه معلومه بتقول ان الذكاء بيزيد نتيجه للقراءة مما يؤدي إلي زياده التجاعيد وزياده حجم المخ والزياده بيصاحبها ذكاء بقي
لماذا تحب التميز والاختلاف بشدة عن الاخرين ؟
دي طبيعة فطرية فيا .. مببصش علي القواعد لان اللي حط القواعد مش أحسن مني في شئ
يعني مثلا لما باجي اصمم تصميم جرافيك " غلاف كتاب " مببصش مفروض اسم الكاتب يبقي فين ولا دار الطبع يبقي اسمها فين بالظبط . لاء حسب ما الشكل يبقي كويس بحطها وبكدا بعمل قاعده جديدة
وكذلك في تصميم الكروت بردو .. انا بصمم كروت " 5*9 وشكلها اغرب شوية بس بتبقي شيك الحمدلله
متى تحتقر نفسك؟
لما ما ابقاش عارف أنا بعمل ايه وبتصرف بمشاعري بطريقه كليه
مالذى يدفعك للبكاء بشدة؟
الظلم بشتي أنواعه أو الفراق
ليه بتحاول تدى نفسك سن اكبر من سنك دايما؟ وليه مش بتقول سنك الحقيقى؟
أصلي قررت أتعامل مع عقول معظم المصريين بما يفهموه .. أصلي لما بقول لواحد العقل مش بالسن يقولي اااااااه يابني طبعا .. بس هوا جواه مش مقتنع بكدا .. إنما لما اخليكي تتعاملي معايا بالعمر العقلي
ده أفضل كتير .. وعلي فكرة انا مش بدي نفسي سن أكبر ولا حاجة .. انا الحمدلله عمري العقلي اكبر بشوية نتيجه منطقيه للقراءة والتعلم
السؤال ده يتطلب الصراحه جدا ومع النفس اولا:
هل انت متكبر؟
أبداً والله مش متكبر
وبدليل ان فيه حقائق كتير محدش يعرفها ممكن تديني رونق اعلي ومقدار أعلي هنا
بعتذر عن الاسئلة اللي مجاوبتهاش
موجوده في القوانين تقدري تراجعيها