السلام عليكم ورحمه الله وبركاته
عارف إنى جاى متأخر بس بجد أنا قرأت الموضوع وحسيت إنى لازم أرد أصلى بجد حسيت إنى هيجرالى حاجه لو سكت ومش رديت
الأول
طبعاً الأستاذ محمد بيتكلم صح وكل حاجه وحضرتك مغلطش وفعلاً الأستاذ عصام أخطأ إنه عمل موضوع فى حجره النازر أمام جميع المشرفين لتحزير مشرفى قسم الكادر
بس حضرتك أكيد على علم بكل المهازل اللى بتحصل فى القسم ده من ردود غير لائقه بالمره لمواضيع ملهاش أدنى علاقه بالقسم وأشياء كثيره
والمشكله إن أغلب هذه المواضيع بيكون لمشرفى القسم ردود فيها طب اللى يخلى المشرف يرد فى الموضوع يبقى أكيد قرأه وشاف الردود الخارجه ومع ذلك لم يحذفها أو قرأ الموضوع وبكده يبقى المفروض عرف إن ده مش مكانه وكان المفروض ينقله للمكان الصحبح لكن للأسف منقلوش وده على فكره مش عيب على المشرف بالعكس
الخطأ الأول والأخير على الإداره
إنها مفهمتش من الأول إن دول مدرسين بيقتصر نشاطهم فقط على الأقسام التعليميه يعنى ملهمش أى علاقه بباقى الأقسام لذلك لو قرأ موضوع عن البرامج مش هيعرف إن فيه قسم مخصص للنوعيه دى من المواضيع أو موضوع نقاش مش هيقدر يعرف إن ده له مكانن مخصص كذلك باقى المواضيع
يبقى كان الأسح تعين 2 مشرفين مدرسين على القسم كل تخصصهم مواضيع الكادر وما بها من أخطاء أيضاً تعين 2 مشرفين عادين من الأعضاء اللى عارفين الأقسام جيداً ويستحسن يكونو من المشرفين الحاليين مهمتهم نقل المواضيع الغير خاصه بالقسم للمكان الصحيح
وفى نفس الوقت يقوم الأستاذ عصام بوضع موضوع مثبت به شرح وافى لجميع أقسام المنتدى ويتم تثبيته فى قسم الكادر ليطلع عليه جميع المدرسين اللى بيشاركو فيه وواحده واحده هيقدرو يفهمو إن لكل موضوع مكانه المخصص
وبكده إن شاء الله مشكله قسم الكادر هتخلص
باقى نقطه إسمحلى أتكلم فيها
وهى إن حضرتكم مدرسين وبتعملو عمل تطوعى وإن الوقت ده على حساب جهدكم وأسرتكم وما إلى ذلك وإننا من واجبا إننا لما نتكلم مع حضرتكم نتكلم بإسلوب أفضل من كده
وأنا مع حضرتك فى كل كلمه قولتها ومش ضدك فى أى شىء بل بالعكس أنا أؤيد حضرتك جدااااااً
بس حضرتك أهملت شىء مهم جدااااً وهو إننا بردو مش طلاب عند حضرتكم ولا لينا أى مصلحه فى اللى بنعمله وبردو بنعمل عمل تطوعى ويلزمنا بردو معامله ألإضل من كده
يعنى كده إحنا الإتنين بنسعى لمستوى أفضل فى التعامل بينا يعنى مفيش إختلاف
بس حضرتك لو خدت بالك دائماً هتلاقى الخطأ بيأتى من عندكم مش من عندنا
وبيتهيألى مفيش حد يحب إنه يتهان
يبقى
" حب لأخيك ما تحب لنفسم "
حضرتك قبل ما تقولنا إتكلمو بإسلوب أفضل من كده يبقى المفروض تكون أيضاً كلمه المدرسين يتعاملو معانا بإسلوب أفضل من كده
وساعتها أشياء كتير هتختلف لأن إحنا هدفنا فى الأول والأخر واحد يبقى بدل ما نقطع فى بعض ونصطاد أخطاء بعض نتعامل مع بعض بإسلوب أفضل
ونصحح لبعض ونتقبل آراء بعض بصدر رحب
وآسف جداااً لو كنت طولت فى ردى