اقتباس:
المشاركة الأصلية كتبت بواسطة Dr.juliut
بالنسبه للكتب فانا عن نفس هاجيبها كلها اهو نشوف بنفسنا يعنى ايه اللى هنحتاجه واللى مش هنحتاجه لان مفيش حد اتفق على كتاب معين مثلا انه مش هينفع لكن كل واحد بيقول مثلا انا الكتاب ده مفتحتوش ودى حاجه بتختلف من طالب الى طالب و وبرضه كتير بيقولوا ان الامتحان بيبقى من المحاضره ولكن عن نفسى بفضل مذاكره الكتاب الا لو كان رغاى زياده عن اللزوم
اعتقد ان الورق هيبقى كويس وهيسهل الموضوع علينا لان كتير بيقولوا ان المعيدين اشطر من الدكاتره بس برضه مش هيبقى الاعتماد كله عليه لانه ممكن يبقى مختصر زياده عن اللزوم وسمعت كمان ان فيه دكاتره بياخدوا الورق ده ويحطوا الامتحان فى كل اللى مجاش فيه
والمفروض اننا نبدأ نذاكر من دلوقتى لان فيه امتحان ميد تيرم كمان شهر او شهر ونصف وكمان عشان ميتراكمش علينا ونفهم بسهوله الحاجات المترتبه على بعضها
بالنسبه بقى لهنزاكر منين دى ممكن لما ناخد الكتب نقدر نححد اكتر سواء هنزاكر منها ولا من الورق بس الاكيد ان المحاضرات بتبقى مهمه جدا
|
لقد اصبتي كبد الحقيقة (رد وافي جداااااا )
انا ان شاء الله حجيب الكتب كلها وبذاكر المحاضرات كلها وبكتبها حتى اللي مينفعش يتكتب
وبحاول اذاكر بجد من دلوقتي رغم ان كله كلام شبه قديم بس بالعنجاليزي
واعتقد لما الكتب تنزل والورق ينزل وكله يتأقلم حيبقى الوضع اسهل
تحياتي
