[السمراء]

المشاركة الأصلية كتبت بواسطة alandaleep

نفسى حد يقولى انا عايش ليه ؟

ايه لزمة الحياة من غير طموح من غير امل ايه الفرق بينى وبين الحيوان لما بنام عشان أصحى وأصحى عشان أنام
ما فيش أصحاب وحدة غربة سجن عايش فى وحدة للدرجة انى معرفش نفسى معرفش ربنا لو عرفت ربنا هتحس براحة معرفش حد خلاص بطلت أصلى ده هيخليك تتخنق اكتر عمرك ماتحس لا براحة ولا امان صحيح أنا صمت رمضان بس صمت عن الاكل والشرب و بس أصحابى نستهم ونسيت أرقامهم .....ليه بس كده فى حاجة حصلت ولا انت اللى مش عايز
نفسى نفسى أضحك ونفسى نفسى أعيط نفسى أمسك قلمى واكتب شعر زى زمان أنفس أخرج والعب وأجرى ومش أبطل تنطيط زى العيال نفسى أكسر الجدران من حوليا

نفسى أروح تانى وأعيش مع أهلى فى الشرقية بس هو انا لسه جيت القاهرة دى الجامعة يا دوب لسه أول مرة أشوفها أول الاسبوع ده ................ممكن اللى حصلك ده علشان سبت اهلك ...ممكن افهم

نفسى أعرف الناس دى كلها نفسى أعيش لوحدى من غير ما أعرف حد نفسى أعمل كل حاجة فى الدنيا لا انا مش عايز أعمل أى حاجة نفسى أموت لا أنا عايز أعيش ............مش ممكن تعيش من غير الناس
هو أنا اتجننت ؟؟؟؟؟؟؟ أنا أكيد اتجننت ......لا لسه أنا لسه فاكر اسمى يبقى لسه عندى برج ما طارش
نفسى .......... والله ما أنا عارف أقول ايه
على العموم أنا أسف على الازعاج

لو حضرتك مش طايق الجامعة دلوقتى ان شاء الله تتعود ويكون ليك اصحاب
بس ايه دخل ده بالصلاة انت لازم تصلى وتشكى همومك لربنا لانه هو الوحيد اللى قادر يخرجك منها