[شموخ مسلمة]

المشاركة الأصلية كتبت بواسطة dr.heba

ايه ده هو انا اللى هسأل اول واحدة

طيب كويس والله:abdoog8::abdoog8:
بس ياارق ملاك
نبدأ بأول سؤال
انتى تعتقدى ان اسمك (ارق ملاك)ينطبق عليكى
ولو اه ليه ولو لا برضه ليه؟
بصى لو فصلنا الكلمة كلمتين
ارق طبعا انا مااعرفش الكل و اكيد فى ناس ارق منى
و ملاك انا بشر مش ملاك
بس مجازا اقدر اقولك اه

اختارتيه ليه؟
اتوصفت بيه قبل كده
و لماكنت هسجل فى المنتدى هو اللى جه فى بالى
تعتقدى انه ممكن يكون بيعبر عن نقص فى شخصيتك؟
مش فاهمة قصدك صراحة
ايه تقييمك لشخصك؟
يعنى مبسوطة من نفسك ولا ساخطة عليها؟
راضية عنها فى حاجات و ساخطة فى حاجات
بس انا عموما دايما بلوم نفسى
لما تقفى قدام المراية بتشوفى نفسك جميلة؟
متهيالى
بس برده حسب المود
وايه السبب؟

استايل لبسك عامل ازاى ؟
اسدال نقاب عادى
بس بقالى فترة اوقات بلبس دريلات واسعة بتبقى فى وسع الاسدال تقريبا و خمار او طرحة فى طول الخمار
وليه؟
عشان دينى
ومين اللى اختارهولك؟
انا
وانتى مقتنعة بيه كده؟
الحمد لله
يوم مابتحسى انك مضايقة مين اول واحد بيجى فى بالك انك تحكيله؟وليه؟
ايمان و اختى و هند وسارة
برتاح لما اعيط معاهم
بحس انه بيفهمونى او ع الاقل مش بيتجاهلو ده
ومين اخر واحد ممكن تحكيله؟
وبرضه ليه؟
لو اخر واحد يبقى مش حكيله مهما حصل
بتحسى ان فى حد بيغير منك؟
اها
طيب انتى بتغيرى من حد(على فكرة مفيش بنت مابتغيرش)؟
ع فكرة انا و انا فى الاعدادى كان مدرس كتبلى فى الكشكول الطالبة الغيورة
فاستغربت و سالته
قالى انتى بتغيرى ان حد يبقى الاول عليكى
و بتحاولى تبقى الاولى دايما
بمعنى
انى مش غيرة بمعنى غيرة و حسد و الحاجات دى
بس فى غيرة بتخلى الانسان يتحسن
دى انا بزرعها فيا اصلا

ايه اللى ممكن يلفت نظرك فى بنت قابلتيها لاول مرة؟
طريقة كلامها و هزارها
وايه اللى ممكن يلفت نظرك فى ولد اول مرة تشوفيه؟
مش عارفة
بس ممكن طريقة التفكير و الكلام
لو شوفتى واحد واتمنيتى ان ده يكون زوجك فى المستقبل هيكون ايه السبب؟
مش عارفة و الله
بس اكيد الدين و الشخصية
وده حصل قبل كده؟
لا

بيتهيألى كفاية كده احسن حرام عليا

بس هرجعلك تانى

فى رعاية الله

بجد اسئلتك تحفة اوى
حبتها مع انى ماكنتش عارفة ارد