[محمد.فوكس]

يا جماعة هو نظام المعهد بتاع المطرية ده زي بتاع كامب شيزار في اسكندرية
يعني معهد فني صناعي المطرية يقابله الكلية التكنولوجية (معهد فني صناعي كامب شيزار) بالاسكندرية؟
من فضلكم يا جماعة عايز اعرف تاني المواد بتاعت فسمي المدني و المعماري
و عايز اعرف عدد ساعات الدراسة و العملي لكل مادة اسبوعيا
يعني ببساطة عايز اعرف الجدول الاسبوعي من فضلكم
وبالنسة للمهندسين معاملتهم كويسة و هل صحيح ان اللي مش هياخد كورس المهندس مش هيديلو درجة في اعمال السنة تساعده يدخل هندسة؟
و بشكل عام الدرساة فعلا سهلة ..
انا ثانوية عامة و في كلية علوم اسكندرية
و طبعا الكلية اللي انا فيها مش بطالة و شغلها موجود لكن انا حلم حساتي كان اني ابقى مهندس .. غير اني بتعب نفسيا لما بلاقي حد من صحابي في طب او هندسة و انا محققتش اللي انا عايزه
ده غير ان مبنى المعامل بتاع الكلية جنب كلية الهندسة على طول بشوف بقى الطلبة و المساطر الحرف تي بحس اني كرهت نفسي و كليتي.
مع اني قبل التنسيق كان نفسي تجيلي علوم بس مش السبب الرئيسي ان بحبها .. انا كنت عايز اي كلية عملية تجيلي عشان اكون استفدت من اني كملت علمي لاني في تانية ثانوي جبت مجموع وحش و عرفت اني مش هندخل هندسة بس ما بدأتش استعب نفسيا غير لما الدراسة بدأت و ده من ساتر ربنا لاني لو كان حصلي كده بعد نتيجة سنة تانية كان زماني جبت مجموع اقل في تالتة بس الحمد لله جبت اعلى برغم اني علمي رياضة و طبعا انتوا عارفين الامتحانات كانت عاملة ازاي
فدلوقتي انا عايز اعرف المعهد ده مضمون بالنسبة لواحد في ظروفي .. و انا اتكلمت في الموضوع ده كتير بس عايز اعرف آراء اكتر
طبعا انا محتار اسيب الكلية اللي مش بطالة دي و اروح للفرصة الاخيرة و اللي انا حاسس ان ربنا بعتهالي خصوصا ان السنة اللي هتخرج فيها من المعهد هتكون مافيهاش خرجين ثانوية عامة كتير فدخول الهندسة هيبقى بمجموع اقل يعني ممكن يكون ربنا هيأ الموضوع ده و ظبطه بالنسبالي و اكيد للناس تانية كتير؟
و كمان من اسباب التردد ان المعهد ده مش عالي يعني مينفعش اني اقدم كليات عسكرية السنة اللي جاية .. طبعا الكليات العسكرية فيها كليتين بتمنح بكالريوس هندسة هم الفنية العسكرية و الدفاع الجوي بس الفنية مجموعها اعلى مني و الدفاع الجوي درجتي في الرياضيات 2 اقل من المطلوب فيها بنص درجة فعشان كده اعقتد ان التضحية بالتقديم السنة الجاية للعسكرية مش مشكلة لو كانت فرصة الهندسة بالنسبالي كبيرة .. لاني سني كبر سنة و العسكرية بيفضاوا الاصغر سنا و لو قبلت في حاجة هقبل في حاجة غير اللي بتدي هندسة ده لو قبلت.
و انا كلمت اهلي مرتين و كل مرة يقولولي هنشوفلك الموضوع ده و يطنشوا لاني كنت بكلهمه عشان اخد رأيهم مش بقولهم اني قررت خلاص اني عايز احول و هم فاكرني نسيت و ميعرفوش اني بفكر لسه لغاية دلوقتي
يعني طبعا انهم ضد الموضوع ده برضه من اسباب التردد اعتقد لو كانوا مثلا هم اللي اقتحروا عليا الموضوع او وافقوني عليه كان هيبقى عامل تشجيع كبير و مكنتش هتردد زي دلوقتي ..انا لو قلتلهم عايز اروح المعهد هيقولولي ماشي بس ذنبك على جنبك و ممكن يرفضوا بس ما اعتقدش لاني والدي في مرة من المرتين اللي كلمته فيهم على الموضوع ده قالي لو عايز تحول خلاص يعني برضه بمعنى احنا مش هنمنعك بس تتحمل نتيجة المخاطرة
و النقطة الاهم و الاخطر ان في واحد زميلي في الكلية قالي ان اللي يدخل المعهد ده مينفعش بعد سنة يحول منه لأي كلية تانية و انا كنت ناوي ارجع علوم او اي كلية تانية لو دخلت المعهد و مجبتش فوق التسعين في اول سنة لاني لازم معملش زي الثانوية العامة لا انا لازم اكون مرتاح في تانية بمجموع كويس لاني لو جبت مجوع وحش و كملت تبقى مخاطرة تانية غير الاولى اللي هي دخول المعهد اصلا
فأنا بجمع دلوقتي معلومات و كل ما اعرف معلومة و اتأكد منها بدخلها في حسبتي و بحاول آخد رأي صحابي و الناس اللي دخلو المعهد عشان استفيد منهم
يا ريت كلكم تردوا عليا و محدش يبخل برد او معلومة نصيحة