[مروج البحر]

المشاركة الأصلية كتبت بواسطة asdat

يا بنتى الحاجات دى عمرك ما حتلاقيلها حل

عشان دى دخلت فى ثقافه الشعب و انتى مش حتغيرى الشعب كله
موضوع الواسطه بقى خلاص بطلوا يعترفوا انه غلط اساسا
عشان تقولى انك تشتكى الدكتوره ده كويس انها معرفتش عشان لو عرفت حتعرفى التعسف بالاضافه للمحسوبيه

مبادئ الانسان دلوقتى شغاله تتجزئ و فى النهايه اخر اليوم يرجعوا على اساس انهم الحمل البرئ
و يتكلموا عن فلان اللى بياخد رشوه و علان بتاع الواسطه

يعنى انا بقولك ان العمليه مش مشكله دكتوره و حتقدرى تخلصيها بالشكوى او انها ليها حل اساسا
مفيش غير اننا نرجع للى المصطفى سالبهولنا عشان منعانيش من المشاكل دى

يلا فى رعايه الله

المشاركة الأصلية كتبت بواسطة *citizen*

هى الوسطة فى مصر مش هنقول ظاهرة

بس تقدرى تقولى شىء لابد منه
امر واقع
الوزير بالوسطة والمديبر بالوسطة والغفير بالوسطة
وفعلا الناس اللى قالت ان بعد الشغل هتلاقى الوسطة والكلام ده معاهم حق
لان البلد دى بلد كده
عادل الامام كان بيقول فى مسرحية قديمة بلد بتاعة شهادات
الكلام ده كان زمان فعلا كانت الشهادة اهم شىء
ورجع تانى فى التجربة الدنماركية
لما قاله والد العريس الشهير فى الفيلم
الحمد للهابنى اتخرج
وشوفناله وسطة واشتغل وشفناله وسطة واخد شقة وشفناله وسطة وهيتجوز
كله ماشى كده رتبى حياتك على كده

وعلى رأى المثل
اللى ليه ضهر ميضربش على بطنه

المشاركة الأصلية كتبت بواسطة hamo_320

اى حد دلوقتى عايز عايز رشوة علشان يمشلك اى حاجة انت عايزة

المشاركة الأصلية كتبت بواسطة mahmoud_taha

جميل الموضوع ده

الواسطة مفهومها العلمى تعنى الكوسة
والكوسة من الخضروات
والخضروات مفيدة للجسم
وبكدا الكوسة مهمة
وبالتالى الواسطة مهمة
حلوالاستنتاج دا والله
عادى جدا يا مروج
الواسطة فى كل مكان فى الكلية فى الشغل فى الشارع حتى عند بتاع الفول هتلاقى الواسطة بردو شغالة وعادى جدا
والدنيا لذيذة
هنقول ايه بس
هيا دى بلدنا مصر هى كوسة كل عصر
بالواسطة تبقا مدير ومن غيرها تبقا خقير ولا حد يسمعلك
علينا الصبر والسلوان

دمتم فى رعاية الله

كلامكم ريحني شويه بس في نار جويا مش راضيه تهدي ربنا يرزقني الصبر ده اللي بأدينا