أكتر من مره فكرة بالرحيل للأبد وأبطل أدخل المنتدى لكن وبكل أسف كنت كل مره بفشل وبرجع تانى ليه مش عارف أنا بجد بحسد كل عضو فعلاً قدر ياخد قرار الرحيل
هو حضرتك ممكن تقول عليا عضو جديد
بس فعلا والله إتعلقت بالمنتدي جدا
وبقيتش قادر أسيبه لدرجة إن كذا مره أمشي و مقدرش أكمل يومين علي بعض بعيد عن بيتي التاني
لو فكرت كويس وشغلت عقلك هتلاقى إن السبب الوحيد المنطقى هو عنوان الموضوع " الحقد والغيره الحق والإيمان وأعداء النجاح " العضو مسافه ما يبدأ يظهر تلاقى كل الأنظار عليه بتبصله نظره حقد وغل وغيره العضو اللى كان زمان معاه وواقف جنبه فجأه بقه ضده واللى كان دائماً بيشجعه بقدره قادر بقى بيصطاد أخطاؤه واللى كان بيستنى مواضيعه عشان يقرأها بقى بيقعد يتفرج على منظر الردود فى الموضوع وهو بيعلى ويقول إشمعنى هو ده موضوع يستاهل النقاش ده كله هما مدينه أكبر من حجمه كده ليه دا لسه مشترك من يومين أنا أحق منه أنا أفضل منه أو عشان يرضى غروره ويحاول يخدع نفسه وإنه فعلاً مش بيحقد عليه ولا غيران منه يقول فيه أعضاء تانيه ومواضيع تانيه أحسن منه ومش واخده حقها ويبدأ تنشأ عداوه بينهم وتزيد يوم عن يوم لحد ما فى يوم وليله يتقلبو من أصحاب لأعداء ودائماً يحاول يعجزه ويكسره وننقسم لأحزاب وكل حزب بيكره الحزب التانى وتنشأ المصالح والحق يتقلب باطل والباطل يتقلب حق ونمشى نقول ورى بعض آمين سواء صح أو خطأ المهم مصلحتى ثم مصلحتى أنا لو قولت ورى محمد آمين هينصرنى ضد أحمد حتى لو كنت أنا غلطان وبسبب الحكايه دى ياجماعه بتتولد المشاكل وتنشأ الصرعات وبدل ما نوجه جهودنا ونوحد أهدفنا للخير والإفاده بنوجها ونسددها للشر والتعجيز ونخسر بعض ومع الوقت بنخسر نفسنا وبنخسر ناس كتير حبناهم ولما بنفوق دا لو فوقنا أصلاً بنفوق بعد فوات الأوان بعد ما بيكون وقت الندم والإعتزار فات وكل واحد شاف طريقه واللى إتظلم رحل مكسور حزين باكى على الأيام اللى سهر يكتب فيها ويدى فيها خبرته ووقته لناس متستهلش .
هو فعلا لسه فيه ناس كده أنا والله عمري مفكرت بتفكير حتي قريب من ده
و مش مصدق إن في إنسان يعمل كده
عشان إيه!!!!!!!!
(الحمد لله لسه مقبلتش النوع ده من الأشخاص)
.
كل اللى فات ده يجماعه
عدو للنجاح بيأدى للفشل ويدعو للإحباط ونرجع نقول هى الناس بتمشى ليه طب ليه من البدايه محبناش بعض ليه موقفناش مع بعض وشجعنا وقوينا بعض ليه مبنكملش بعض ليه مش إيد وحده جسد واحد روح واحده ليه البنت دى مش أختى والولد ده أخويا واللى يفرحه يفرحنى واللى يزعله يزعلنى ليه مش حسين ببعض ليه ميبقاش طرقنا واحد بدام فى النهايه هدفنا واحد ليه منتسندش بعض واللى يتعب يلاقى أخوه أو أخته فى ظهره إيه شعورك لما تغيب فتره وتلاقى الناس كلها حوليك ملهوفه عليك ويقولو من قلبهم أخونا فين صدقنا فين ليه إحنا مش كده ليه إخترنا بزور الشر وزرعناها فى قلبنا ورمينا بزور الخير وقلنا دى مش مننا ليه منتغيرش من اللحظه دى ونقف مع بعض واللى زعلان من حد يبعتله رساله ويصالحه واللى جرح حد يطلب منه يسامحه ياجماعه إحنا كويسين وطيبين بالفتره بلاش نلوث نفسنا تعالو نبدأ صفحه جديده كلنا مع بعضنا صفحه كلها حب وإخاء صفحه بيضه مفهاش نقط سوده وبلاش نطعن بعض فى فى ظهره عشان محدش يطعنا وينهشنا فى ظهرنا .
عارف إنى رغيت كتير وصدعت دماغكم بس أنا حاسس إن إحتمال دى تكون آخر أيامى معاكم فحبيت ألفت نظركم للحال اللى وصلناله وأنتهز الفرصه وأعتزر لكل شخص زعلان منى أو شايل منى وتأكدو ياجماعه إن مسامح كل شخص غلط فيها أو أساء ليا وربنا يوفقوا جميعاً يارب .
بوص يا محمد بالله عليك تلغي حكاية الرحيل دي
أنا تقريبا أول مره أخش مع حضرتك في نقاش مباشر
أو بمعني أصح موضوع ليك
بس فعلا حضرتك من أحسن الشخصيات في المنتدي
أنا مبقولش كده عشان يحصل رياء و لا حاجه
و صدقني و الله في ناس في المنتدي لو فكرت في الرحيل
عمري ما هقولها لأ
و لا حتي هفكر أنصحهم إن هما يفضلوا
بس حضرتك فعلا من أحسن الأشخاص
و الرحيل ده معتقدش إن هو حل لو حضرتك فعلا بتحب المنتدي
إفضل معانا لحد لما المنتدي يبقي أحلي
و بعد كده أعتقد إن ضميرك هيبقي مستريح بعد
ما نوصل بيه كلنا لبر الأمان
"اللهم إنس أشهدك أن هذا ما في قلبي لا مجاملة ولا أي شيء من هذا القبيل"
و ليا الشرف إني أكون أول اللي يشاركوا
أخوك الصغير :
محمود
"مشرف علي ما تفرج"
السلام عليكم ورحمه الله وبركاته