السلام عليكم ورحمة الله وبركاته
ازيك يا محمد
موضوعك جميل
وفعلا يمكن حياتنا تشبه النظام ده كتير زي ما انت قولت
وتشبيه سليم كمان
لكن بتختلف بقدر نسبه البشر
وبقدر العقليات المستخدمه الإنترنت
البشر علي الواقع تختلف معاملتهم عن التعامل من خلال شاشة كمبيوتر
--
بالنسبه للمنتدي
فأنا شايف انك اديتله اكبر من قدره
المنتدي ميستحقش انه ياخد الجزء الكبير ده من تفكير محمد السادات
فاكر لما قولت عليا في موضوع " احمد مش شاغله المنتدي وبالنسباله الكلام ده عادي "
فرحت ان فيه حد فاهمني
وكملتلك الجمله
" انا بالنسبالي المنتدي عادي .. ومش شاغلني كتير .. بس مش معني كدا اني غير متحمل المسئولية "
يعني انا نظامي مثلا
المنتدي شغال
ادخله
مش شغال مزعلش انه واقع
المنتدي فيه ناس كويسه
اكلمهم واتناقش معاهم
مفيهوش ناس كويسه
ادخل انصحهم ولو مفيش قبول للنصيحه
ابدأ بقي بالاسلوب اللي مش تمام
فيه إشراف
بمارسه
مفيش إشراف
عادي خالص مش شاغلني
بتختلف من شخص لشخص بقي
مش لازم يعني عشان انا كدا البشر كلهم يبقوا كدا
بس انا شايف ان المنتدي او النت بصفه عامه
مينفعش ياخد اكبر من قدره في حياتي
--
انت شبهت المنتدي كحرب
لاء والله يامحمد هيا مش حرب
ولعلك انت بتتكلم كدا عن الاعضاء القدامي
مش شرط اني بقيت اشوف اخطائك يبقي انا متغاظ منك
او مش شرط اني بايدك وبعدين انقلبت ضدك
يبقي انا بكرهك
لاء
بس التمادي في الباطل .. ممكن يعمل حاجتين
يااما صحوة ما بعدها صحوة .. يااما خلاص تعود علي الباطل
وعلي حسب كل واحد بقي وشخصيته
--
بالنسبه للجزء اللي انت بتتكلم فيه علي انا احق منه وهو ميتسحقش والكلام ده
بجد اللي بيفكر بالطريقة دي سنه العقلي لا يتعدي 7 سنين
عامل زي العيل الصغير اللي غيران من اخوه
اشمعني
هتفرق ف ايه الناس بتقدرك ولا الناس بتقدره
ولا زدت ولا نقصت والله
--
اقولك علي حاجة في السر ؟
اللي بيعمل كدا واللي شايف المنتدي بالطريقه دي
هو فاشل من الدرجة الاولي في حياته ... هو واحد مش لاقي تقدير من الناس علي الواقع فبيدور علي التقدير من خلال شاشة كمبيوتر
---
المنتدي مش حرب
وبيستفزني علي فكرة جدا جدا ان حد يتكلم عن المنتدي ويحسسني انه فعلا حاجة كبيرة اوي
لاء المنتدي مش اكتر منتدي علي النت
بس هو مش منتدي عادي
كل اللي يفرق
انه اكثر تنظيما والناس اللي فيه ملتزمه شوية
ده الفرق بس - بالنسبالي -
---
وبعدين بالنسبالي مش بتفرق والله ياسادات
لقيت ناس بتقدرني أهلا وسهلا
ومش هيتغير اسلوبي
ملقتش ناس بتقدرني
بردو اهلا وسهلا
ومش هغير اسلوبي بردو
هيا هياها
لذلك بنظرتي دي
تلاقي مشاكلي متباعده
بس عويصه
هههههههههه
يالا ما علينا
بس موضوع كويس ياسادات
متغبش كتير بقي كدا تاني
--
