بسم الله الرحمن الرحيم
السلام عليكم ورحمه الله وبركاته
يا جماعه إستهدو بس بالله كده وصلوا على النبى
شكله كده خطأ مش أكتر
حد من المديرين ولا حاجه خفى القسم من غير ما ياخد باله
لأن لو لحظتو عدد المشاركات مقلش ولا حاجه والأستاذ عصام معايا على الإيميل بيقول إن القسم موجود عنده يعنى غالباً غلطه مطبعيه
ولما طلبت منه إنه يعيد تانى القسم قالى إن هو مختص بالأقسام التعليميه فقط يعنى غالباً مش معاه صلاحيات على باقى الأقسام فيبقى كده غالباً الأستاذ حسام لأن هو المدير الوحيد اللى موجود حالياً على المنتدى او الأستاذ أشرف لكن لو لحظتو هتلاقو إن الأستاذ أشرف آخر مره دخل كان بالتوقيت ده
آخر نشاط: 15-10-2008 02:17 pm
والأستاذ على مدكور آخر مره دخل كان بالتوقيت ده
آخر نشاط: 12-10-2008 02:56 am
وبكده يبقى الأستاذ حسام فقط هو اللى لسه مسألتوش فلو مش الأستاذ حسام هو اللى عمل كده عن طريق الخطأ يبقى المنتدى حالياً تعرض لحاله إختراق
وإحنا مع بعض للنهايه لحد ما نعرف السبب وإذا عرف السبب بطل العجب
فياريت كلنا نهدى أعصابنا وبلاش الكلام الكتير اللى لا هيقدم ولا هيأخر بالعكس التوتر ده هيخلينا نغلط فنهدى شويه دلوقتى بس وأنا معاكم فى أى شىء لو كان القسم فعلاً إتحذف بفعل فاعل
وده شىء أنا أستبعده تماماً