حين ميسرة!!!
ازيكم يا شباب
اتمني تكونوا في الف صحة و خير
بداية الحكاية من شاب زي كل الشباب
ايمن .... مواليد 1982 م بكالوريوس تجارة دفعة 2004م قعد سنتين في طابور البطالة الطوييييل لغاية ما والده جاب له واسطة بعد سنتين و اشتغل في شركة خاصة
المهم ايمن خطب بنت في نفس المستوي المتوسط ده و كان المفروض فرحه الشهر الجاي
لغاية في يوم كان راجع الساعة 11 ليلا
لقي واحد مرمي في شارع مظلم و شكله
مصاب . راح يشوف لو يعرف يساعده
و لكن المفاجأة طلعت ان الشخص ده
بلطجي عامل كده عشان اللي ييجي ناحيته يهجم عليه زمايله و يسرقوه و ياخدوا العربية لو معاه
لسة المهزلة ما خلصتش
ايمن بقي مرمي ف الشارع محدش سأل فيه لغاية الساعة 7 الصبح (اكيد في ناس مرت ع الشارع بس كأنهم ما شافوش حاجة )
________________________________________
بصراحة انا لما علمت بالخبر جت ف بالي
اسئلة كتير
لو ايمن كان زي ناس تانية و مشيت كأنها
ما شافتش حاجة مكانش ده حصل..
لو البلطجية دول كان عندهم امل ف وظيفة شريفة ممكن مكانش ده حصل..
لو كان في امن و في ناس عندها ضمير
و ساعدته ع طول كان ممكن تكون حالته الجسدية و النفسية احسن..
و اسئلة تانية كتير
علي فكرة اكيد المواضيع دي اتعرض ليها كتير من قبلي بس فعلا انا زعلت جدا لاني اعرفه من حوالي 3 سنين
و كمان في محضر اتعمل بعد الحادثه و لكن الرد المعتاد ... حين ميسرة!!!
سلام
|