اقتباس:
المشاركة الأصلية كتبت بواسطة نور الهدى*
كنت عايزة اعرف ازاى كل واحد فيكو بيذاكر (يمكن السؤال متأخر شوية)
بالنسبة ليا فى الثانوية العامة كانت مذاكرتى بالورقة والقلم يعنى لازم عشان احفظ اى حاجة لازم اكتبها مرة واتنين وتلاتة 0000000 الخ
كانت بتأخد وقت كتير بس ماكونتش اعرف احفظ الا كده
فى الكلية بقى نظام الكتابة ده مش نافع خاااالص خصوصا اننا قبل مانذاكر احنا بنبيض وطبعا التبييض ده بردو بيأخد وقت كتيير
idont know what i should do
|
هو انا بستخدم الطريقة الثلاثية
اكتب واسمع وشوف وشاور (هيا طريقة مجانين شوية) وكمان دول اربعة مش 3!!!!!!!ماعلينا
المهم تبييض المحاضرات ده ممكن تستفيدي منه في انك تبقي عارفه ايه الكلام اللي حتذاكريه
ودي حاجة كان يسموها الطريقة الكلية وبعد كده لما بتبيضي تبدأي تفصلي الكلام وتذاكريه عادي
انما بتبقي عارف الجزء ده قبليه ايه وبعده ايه يعني الحكاية بتبقي في دماغك
انا يا ستي برضه لازم ورقة وقلم في المذاكرة واقرا اللي انا بكتبه بصوت عالي وكاني بشرح
لحد...ساعات بجيب حد اشرحله فعلا
زي اختي لما جبتها وشرحت قدامها طريقة الضفدعة والعضلات والتشريح
وبعد كده بحاول اسمع اللي انا كاتبه..المهم تبقي فاهماه وتعرفي تعبري باسلوبك
عشان احنا في جامعة ( ياريت نبقى عارفين كده كويس عشان انا ببقى حاسس اننا في ملهى نهاري)
مش زي الثانوي فيه نموذج اجابة وكده ولازم تتعودي تكتبي بالانجلش وتعبري عن كلامك بالانجليزي
وطبعا متنسيش تقسيم الوقت كويس
يعني النهارده اذاكر كذا وكذا وورايا بكره كذا
يمكن الوقت مش بيساعي كل ده..... انما حاولي على قد ما تقدري
وعارفه لو تذاكري زي الثانوي كله اول باول وحفظ وفهم مع بعض وتسميع انا متاكد
انك تجيبي جيد جدا على الاقل
وخليكي رقيبة نفسك عشان مفيش حد حيقولك ذاكرتي وسمعي وقوليلي كده
فكل واحد مسئول عن نفسه
وكمان الانتباه في المحاضرة مهم ..يعني مجرد تنتبهي في المحاضرة خلاص كله بيبقى في دماغك
ده انا يمكن فيه محاضرات لما ابيضها خلاص كاني ذاكرتها زي د/سلامه ود/مهجه!!!(اختلاف الرأي...)
وربنا يوفق الجميع واي سؤال في اي مادة عدا الضفاضيع..اناجاهز (مش تفصيل
)