السلام عليكم ,,
عندي سؤال بسيط وأتمنى تجاوبوني ..
أنا في أولى صيدلة حلوان وكان مجموعي يدخلني صيدلة عين شمس بس انا حطيت علاج طبيعي قبل صيدلة وجالي ولما جالي زعلت وحولت فماجاليش غير حلوان لكن الحمدلله انهم حولوني أصلا ,,
المهم ..
انا حبيت أسأل ايه الفرق في الدراسة بينا وبين صيدلة عين شمس ؟!!..
مفيش الا فروقات بسيطة جدا.انهم بيدرسوا بعض المواد زيادة عنك بس مفيش صيدلة كم وواحدة نص كم
يعني مفروض إنها اكلينيكي وواحد قالي إن الاكلينيكي ده هما بيدرسوه فآخر سنتين ..
وبرضه في القاهرة وحلوان بندرس صيدلة اكلينكية في آخر سنتين!!..
فإيه الفرق ..؟؟
ليه حلوان والقاهرة مش إكلينيكي؟!!..
دي على حسب نظام الجامعة ... عندك في عين شمس بيدرسوها كمادة اضافية في تالته ورابعة
انما في القاهرة مثلا والزقازيق واسيوط ليها قسم خاص دراسة منفصلة 5 سنين بمصاريف
في حدود 10 -13 الف
حاجة تانية أعرف إن عين شمس نظام قديم وسمعت إنها بقت حديث
فهل الكلام ده صح ولا هي مازالت قديم؟؟
حضرتك حديث من قديم......مش في نظام الدراسة لادي في المسمى فقط
ان اول سنة بتبقى اسمها اعدادي او اولى وبتدرس في صيدلة نفسها ولا علوم
سؤالي الأخير هل أقدر أحول لصيدلة عين شمس ؟ ولا لا؟؟
لإني سمعت إن لو عين شمس قديم مقدرش أحولها لإن حلوان حديث ...
و مشواري لحلوان بعيد جددددا ومتعبني فعلا بغض النظر عن قصة الاكلينيكي ومش الأكلينيكي ...
اعتقد ممكن تحولي لعين شمس بعد اول سنة بس اعتقد برضه انك ممكن تشيلي مادة او اتنين
أتمنى ألقى عندكم الإجابة ..
وشكرا مقدما ,,,