اقتباس:
فين السكاشن ومين بيديها وامتى أخدها
وملازم الشرح بتاعة بشادى ولا بتاعة دكاتره تانيه
|
السكاشن دي بتبقي تبع المكتبات اللي برا .. واللي بيدي فيها ناس معيدين .. بس بتبقي كويسة ومفيدة جداً .. تاخدها امتي؟ .. دلوقتي .. هيا بتبقي دلوقتي .. وانا عن نفسي ارشحلك مكتبة بينجو .. هيا تابعة لمجموعة (و) بس مش مشكلة .. لإن السكاشن اللي زي دي بتقوم بشرح المادة كشغل رياضة .. يعني بيخش في الصميم .. نظام الرغي بتاع الدكاترة اللي في المحاضرات دا مالهومش هما فيه ! ..
سعر السكاشن في بينجو حوالي 300 .. ودا كان سعر السنة اللي فاتت .. السنة دي الله اعلم بقي .. بس اللي بيشرح هناك على مافتكر كان السنة اللي فاتت واحد اسمه محمود عبد الكريم .. والراجل دا جامد وبيجيب من الاخر .. بس الله اعلم ساب المكتبة ولا لسه فيها ..
بالنسبة لملازم الشرح دي بقي .. دي عبارة عن حاجة اسمها ورق دروس .. وهيا هيا شرح السكاشن دي .. بس في صورة مكتوبة .. هاتقولي ايه الفرق ؟ هاقولك الفرق في ان السيكشن انتا بتقعد تسمع وتنتبه وتفهم وتطبق في نفس الوقت .. اما الملازم فابتبقي في صورة مكتوبة مش اكتر .. عشان كدا انا قولتلك لو مشيت في سكة الملازم يبقي هاتمشي في طريق الاعتماد على النفس .. دا في اعتبار طبعا انك لاغيت الدكتور من دماغك !
بس ماتنساش .. مش عشان انتا مخنوق من الدكتور ومابتحضرلوش يبقي تنفضله نهائي .. لأ عدي كل 3 محاضرات كدا واسأل الدحيحة اللي بيحضروا في البينشات الاولانية دي على اللي اتحذف واللي اتقرر ووصل لفين وشرح ايه .. عشان بس تبقي ماشي معاه ومتابع ..
هاتقولي طب اجيب الملازم دي منين ؟؟ .. انتا تشوف مين المكتبة اللي بتوزع عليكوا الملازم وسط المحاضرات دي وتروح هناك وتسأل ورق الدروس نزل ولا لأ .. وتشوف الملزمة قبل ماتاخدها عشان لو ماعجبتكش ترميها في وشه .. مش تدبس !!
انا عن نفسي .. ارشحلك مكتبة بينجو .. اي نعم هيا برده مختصة بمجموعة (و) بس مافيش مشاكل .. لإن بينجو دي انا بعتبرها من اكتر المكتبات المحترمة اللي وسط المكتبات اللي برا دي كلها ..