[محمد.فوكس]

على فكرة الفيزياء الحيوية اللي كنتي مش عارفة ممكنة لعلمي رياضة و لا لأ.
القسم ده اصلا مش متاح غير لطلبة علمي رياضة.
بالنسبة لكيميا سبيشيال .. مينفعش يطلع منه دكتور تحاليل "مع العلم انهم بيدرسوا كل انواع الكيميا تحليلية و حيوية و عضوية و فيزيائية و غير عضوية".؟
أنا عن نفسي عايز اطلع دكتور تحاليل لو ينفع من كيميا سبيشيال .. ثانيا كيميائي في اي شركة بتستخدم الكيماويات في صناعتها و اولها البترول و الادوية و الحديد و الصناعات الكيماوية.. ثالثا مبرمج كومبيوتر او مصمم اليكتروني او مهندس كومبيوتر او "computer programmer" .. رابعا دكتور اشعة مش فني اشعة يعني معقول اقبل اشتغل فني اشعة و انا معايا بكالريوس علوم؟... خامسا فيزيائي بس معرفش هشتغل فين .. و اخيرا علوم البحار الفيزيائية معرفش بطلع ايه بس ممكن مثلا في صناعة السفن بس معرفش.. اخيرا رصاد فلكي في معهد ارصاد او اي حاجة زي دكتور الباز كده.
لو بقى دخلت كيميا او فيزياء بجانب اني هدور على شغل .. هقدم في الاكاديمية العسكرية للضابط المتخصصين.. و برضه علوم بحار فيزيائية اشتغل في القوات البحرية.
و على فكرة قسم الكيمياء طبعا هو احسن قسم في الشغل دي حاجة لأنك بعد ما بتتخرج ممكن تعمل دبلومة في " كيمياء بتروكيمياوية" عشان تشتغل في اي شركة بتروكيماويات . او "كيميا تحليلية" تشتغل في مجال التحاليل و كلمة تحاليل لا تقتصر فقط على تحاليل للبشر لا ممكن تحلل عينات من سلع غذائية او ادوية و حاجات كتير.."كيمياء شرعية" تشتغل مع الشرطة و النيابة في الطب الشرعي في الحالات اللي فيها مواد كيماوية .."كيمياء فيزيائية تطبيقية " مقدرش افتي فيها بس مدام بيتعملها دبلومة يبقى اكيد ليها شغل.. و في حاجات تانية مش فاكرها.
بس بقى المشكلة اني من الدليل فهمت و الله اعلم ان الشعب العامة اتلعت يعني لو مقدرتش ادخل كيميا سبيشيال لانه بيحتاج تقدير عالي غير ان كل الطلبة بيتنافسوا عليه خصوصا ان الشعبة دي السنادي اصبحت متاحة للبيولوجي بعد ما كان ليهم كيمياء حيوية بس و بكده يبقى الكيميا سبيشيال متاحة للعلوم الطبيعة و البيولوجي و الجيولوجيا يعني لكل الطلبة يبقى وارد اني لا قدر الله مقدرش ادخله فلو الشعب العامة اتلغت يبقى مفيش كيميا فيزياء تشيل اللي واقعين من كييميا سبيشيال.
ربنا يستر.