اقتباس:
لما بنغلط بنعمل ايه؟؟؟؟
هل بنفكر فى الغلط
طيب لو فكرنا بنفكر عشان نلاقى حل و نصلح الغلط ده ؟
و لا بنفكر عشان نعقد نفسنا و خلاص بقى احنا اصلا فاشلين و ........الخ
هل احنا كجيل شباب عندنا المرونة اللى تخلينا نتعلم من خطانا او اخطاءنا و نكمل حياتنا و ننجح
و لا
مادام غلطت يبقى انا انسان مش استاهل و انا اصلا فاشل
طيب لما بتعمل حاجة معينة غلط و ترجع تانى صح و تقع تانى فى نفس الغلط
هل بتفقد ثقتك فى نفسك
و لا هتتعلم برده
و كل ما نقع كل ما نتعلم اكتر
المهم نبقى صح
طيب لو غلطت و اللى حواليك كرهوك فى نفسك و فى حياتك و بيحاولو يفقدوك ثقتك فى نفسك
هل هتستجيب لده
و لا هتبقى لواحدك ..انت عارف نفسك ..و هتتعلم ..و هتنجح
سؤال برده
هل انت بتطالب الناس انهم يثقو فيك و فى قدراتك ع تجاوز اخطاءك
مع ان انت اصلا مش واثق فى نفسك؟
طيب اخر سؤال
هل احنا بنبص لخطانا انه نهاية الصح و لا بداية الصح؟
اخر حاجة هختم بيها
جملة قراتها عجبتنى اوى
"اذا كنت تسير ع خطة الأمس فانك فى الغد ستصل الى اليوم"
الحدق يفهم
|
اول حاجة احب اسجل اعجابي بالموضوع
و بالكلمة اللي ف الاخر
الانسان لازم يغلط مرة و اتنين و تلاتة
و الغلط بيعلم
مهما كانت درجة الشر او الخير ف الانسان
يعني الواحد لما بيغلط او لما بيحصل له اي موقف في حياته
بيطلع منه بعبرة اكيد في يوم من الايام هتنفعه
حتي الانسان اللي بيحس انه فاشل لما بيغلط
مسيره انه يحاول تاني لغاية ما ينجح
الانسان بطبيعته طموح
عاوز يبقي الافضل بأي طريقة
اما عن نفسي
فأنا الحمد لله بأثق في ان مفيش مجهود بيروح
يعني اللي بيذاكر هياخد ع قد مذاكرته
حتي لو جات له لحظات فشل
اكيد ربنا ما بيضيعش حقه
اما عن الخطأ فهو الاتنين
ممكن يكون بداية الصح لو الواحد اتعلم منه
و ممكن يكون نهايته لو فقد الامل في اللي بيعمله
و معني الحكمة علي ما فهمت ان الانسان لو استمر
علي اللي مخططه للغد
هيتحقق اكيد اليوم اللي بيرجوه
و اسف ع الاطالة