انتا بتتكلم عنه فئه غريبه اوي في المجتمع
مع انك المفروض فعلا تتكلم عن الفئه الرئيسيه
وهيي الشباب اللي حواليك
دول فعلا المفروض يكونوا محور اهتمامك اكتر
يعني انا لما رحت الجامعه
ناس كتير قالولي دا مجتمع جميل وهيصه بئا و و و و
وانا كمان كنت متشوقه ادخل اتفرج
ومن اول يوم وانا كارهها
يعني مشدتنيش في حاجه
الشباب والبنات هايفين جدا لابعد الحدود
يعني امشي مثلا الاقي شابين بيتخانقوا انتا تمراوي ولا عمراوي
ولا الاقي واحده كانت بتحب واحد وسابته عشان هو بيحب محمد سعد وهي بتحب احمد حلمي
ومعرفوش يتوافقوا
منكرش ان الشباب معظم ثقافته اساسا من التليفزيون
المشكله ان انا حاسه ان الهيافه بقت وباء في المجتمع
علي النت في الجامعه في المدارس في التليفزيون حتي بين الموظفين
والسبب ايه مش فاهمه
فيه قضايا ومشاكل كتير وحاجات تانيه كتير ممكن الانسان يهتم بيها ومع ذلك مكبر دماغه
وملوش شغلانه غير الهيافه وبس
