بسم الله الرحمن الرحيم
احم احم انا جيت على صوت الدوشه دي قولت بيوزعوا لحمه ولا ايه
اتاريكِ نزلتي دفعه تانيه من الأسئله
على بركة الله نبدأ
يا مسهل
31-بتحب اسمك؟
مش بحب اسمي الحقيقي اوي عشان طويل و رخم
بس معناه جميل انما انا بكره طوله الغبي ده
و الأطفال مش بيعرفوا ينطقوه اووي
32-طيب لو مكنش دا اسمك كنت تتمنى يكون اسمك ايه؟
كان نفسي ابقى من غير اسم
33-ليه اخترت النيك نيم دا في المنتدى؟
لإن ده اسمي و تقريباً نسيت اسمي الحقيقي
حتى مره اتصدمت و لقيت بنت خالتي مش عارفه اسمي الحقيقي !!
لإنها من صغرها بتقولي ابله بوسي
ما علينا
34-تفتكر انك هتربي ولادك زي ما اهلك ربوك بالظبط؟
لأ طبعاً راح يصير فيه اختلافات
35-هل انت شخصية مرحة؟
لأ .. ده انا أكتر واحده كئيبه في مصر
36-ليك اصحاب كتير؟
لأ خااااالص
يعتبر ماليش
37-آخر مرة بكيت فيها امتى؟
امبارح بالليل و ان شاء الله النهارده هكمل
38-آخر مرة ضحكت من قلبك؟
ياااااه .. من حوالي 6 سنين
39-ايه اكتر حاجة ممكن تنرفزك؟
ان حد يطلع عني كلام مش في حقي  و ان حد يبقى قرفان مني من غير سبب كده
40-بتحب تكون شخصية قيادية؟
اي نعم
41-إيه رأيك في كتابات احمد فؤاد نجم؟
بحس انها اوفر شويه
42-تفتكر الدنيا ممكن تمشي من غير الانثى؟ تفتكري انتي انها ممكن تمشي من غير الذكر؟
لأ مش هتمشي طبعاً
43-تعبت ولا لسا؟
لأ لسه .. انا مش بتعب
44-تعرف مين هو ملك دولة المغرب؟
الملك محمد المعرفش ايه ولا فاكره اسمه
45-من وجهه نظرك تفضل السلم ولا الاسانسير مع التعليل؟؟
سؤال غريب مش كدا؟
ما غريب الا الشيطان
بفضل السلم لإن الاسانسير انا بترعب منه و كمان انا بحب اتحرك اكتر
46-سافرت برة مصر قبل كدا؟
انا مولوده بره مصر اصلا
47-رحت فين بقى.؟ ونفسك ترجع تاني ولا لا؟
السعوديه
كنت وقتها صغيره و مش فاهمه حاجه ..
بس كل اللي فاكراه اني لما رجعت مصر قعدت اعيط لهم و اقولهم ابغى ارجع شقتنا هناك
مش كنت متأقلمه عالوضع
دلوقتي اي حاجه مش راح تفرق
48-زهقت؟؟
لأاااااااا
لا بتعب ولا بزهق .. ده مبدأ و احلف لو مش مصدق هههههههههههههه
هقلب حماقي ولا ايه
شكراً يا قمري
مستنيين لو فيه دفعه تانيه
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|