اقتباس:
المشاركة الأصلية كتبت بواسطة Alias&Buffy
بصى يامنى اولا مينفعش فالكلية تاخدى فرنش لغة اولى الا اذا كنتى مدرسة فرنش اصلا
ولو فكرتى تاخدى انجلش فرست لنجوتش فطبعا هيكون افضل بكتر من الايطالى
وانصحك متخديش مع الانجلش لغة تانية فرنش
لان قسم الانجلش اصعب قسم واكتر قسم عاوز شغل
والفرنش لغة تانية برضه صعب وعاوز شغل
فبكدة هيأثر على اللغة الاولى بتاعتك وهى الانجلش
لكن بلاش ايطالى لغة اولى مش عملى
انا عن نفسى واخدة انجلش \ايطالى
ومستريحة كدة اوى الحمد لله
بالنسبة للمجالات بقى
فممكن مترجمة او تشتغلى فى شركة اوتسافرى برة
وممكن تتعينى معيدة فالكلية ودة سهل جداا لان مفيش دكاترة كتير فالكلية
وهما بيعينوا معيدين كتير
واخر حاجة ممكن تفكرى فيها التدريس
والشروط ياستى
المجموع الكلي ومجموع الانجلش
حاولى ترفعى درجة الانجلش اوى اوى
لان عليها بتتحدد اى لغة انتى عوزاها
يعنى مثلا انا كنت جايبة 48ونص فالانجلش
والكلية كانت واخدة فالانجلش من 46
يارب اكون قدرت افيدك |
ما هو انا عارفة انى لو خدت فرينش لازم يكون لغة تانية
ولو ربنا اراد انى ادخل السن مش هاتنازل عن انى اخد فرينش لغة تانية
عشان بجد باحبه جدااا وانا لما باحب الحاجة اللى بادرسها باعرف اتعامل معاها كويس اوىى
كمان جبت فيه 49 يعنى اعتقد مش هايكون فيه مشاكل
عموما الحاجات دى مش هاتتحدد غير ف وقتها
بالنسبة للغة الاولى ف انا اكيد عايزة انجليش
بس انا قولت الايطالى كبديل عشان لو ماجبتش درجة الانجليش
لانى سمعت ان المفروض 49 او 49.5 كمان
وانا ف تانية جايبة 22.5 ( منه لله التصحيح بقى 
)
لكن لو ف حدود 46 او حتى 47 يبقى تمااام اوى
وميرسى جداااا على كلامك يا نيسو
بجد افدتينى كتييير ف حاجات ماكنتش اعرف عنها حاجة
ادعيلى بقى اكون معاكى السنة الجاية
والاقى حل تانى غير المدينة الجامعية دى
وربنا يوفقك يا جميل
وتبقى معيدة
