[Travel]

ياااااااااااااااااااااه
ياعم احمد ربنا
انا ندمت على انى قلت حاجة قبل كده
::
انا عمرى ما ركبت مترو الانفاق قبل كده
فى درس الفيزيا السنة اللى فاتت
قلت لمستر الفيزيا :

انا اموووووت بس اركب مترو الانفاق

للاسف يارتنى ما قلت الجملة دى
انا كل يوم بركبه وبروح بيه الجامعة وبرجع بيه

كل يوم زحمة وقرف
عربية الستات زحمة اوى اوى وجدااا كمان مينفعش فار يدخل يركب معاهم
وبعدين الباب بيتفتح بتخض من شكلهم وهما واقفين عليه وبيزقوا بعض
بتراجع
نيجى على عربية الرجالة
زحمة بطريقة بشعة (بس مش زى الستات)
وطبعا مينفعش اركب معاهم فى الزحمة دى

المهم بركب فى اخر عربية خاالص
دى لو زحمة اخرها محطتين وبتفضى وكمان مش زحمة بالدرجة اللى هى
يعنى فيها مكان اقف فيه
تخيل بقى انا لما بشوف المترو زحمة وبفضل مستنية لما عربية تجيلى فاضية
وانا عندى محاضرات وسكاشن الساعة 9
وساعات بتكون الساعة 8 كمان

فى يوم حصل موقف جمييل
خط مترو الانفاق كله كان واقف
مفيش عربيات رايحة حلوان خاالص غير كل نص ساعة
والبشر كلها واقفة
مكنش في غير انى اركب مع كله
وكان الحظ انى ركبت انا و7 بنات عربية الرجالة
البنات كلها نزلت فى تالت محطة وانا كملت للجامعة
وانت عارف بقى تلقيح الكلام على البنات
كل شوية واحد يقول(ايه ياعم انا اقول اللى عاوزه هى مش دى عربية رجالة برضه)

(ولا هما هيحتلوا كل حاجة حتى العربيات عاوزين يخدوها)

وتلقيح من ده كتيير

بس كان يوم لا ينسى اليوم ده
كانت اول محاضرة عندى الساعة 9
وانا واقفة فى المحطة من الساعة 7.20
ورحت الجامعة الساعة 10.45
وكان جمال المترو انه بيفصل خاالص ويقف فى الانفاق فى الضلمة

وفى حاجة مش عاجبانى خالص بقى
وهى ان المترو لما بيكون واقف فترة وبعدين يرجع يقفل الباب
بيقفله بغباء
واحدة كانت واقفة (بتتدلع) المترو قفل على شنطتها يوم الخميس
هى ماسكة ايد الشنطة والباقى كله برة
(بس كانت شغالة ضحك)

ربنا يستر علينا فى السنة دى بس
ويهونها بعد كده

عينك ماتشوف الا الضلمة
زحمة ايه دا
انا قولت هما الناس ساكنين فيه واللا

مع مترو الانفاق
مش هتقدر تغمض عينيك