يا اخوانا احنا هنروح بعيد ليه .السادة اللي عمالين يخترعوا قرارات تودي التعليم في داهية من أول ادخال الكمبيوتر اللي مفيش طالب بيستفيد منه وبعدين امتحان كادر للسادة المدرسين الأفاضل وبعدين كلام عن تجريم الدروس الخصوصية وبعدين لازم الدراسة تبقى مش عارف كام اسبوع في السنة و أخيرا التقويم الشامل هؤلاء السادة المسؤلين أنفسهم - واحنا كمان- اتعلموا في المدارس المصرية على ايد المدرسين المصريين اللي معظمهم على قدر كبير من الكفاءة والاحترام وأصبحوا وزراء ورؤساء وزراء لما كانت المدرسة بتشتغل من شهر 10 الى شهر 4 حتى كنا بنقول بعد مارس مفيش مدارس وكانت المدارس بتقفل بالجنزير و القفل طول فترة الأجازة وكان المدرس مستريح يعطي دروس كما يشاء ومعظم المدرسين كانوا بيطلعوا اعارات لكن دلوقتي لا عاجبهم المدرس و لا التعليم دا انت لو جبت واحد يصلح لك غسالة و لا تلاجة هياخد اللي انت بتاخده طول الشهر في ساعة واحدة بلاش اتكلم على الدكاترة والعلاج والتشخيص الخاطئ ولا بيقولولو تقويم شامل ولا تقويم حامل ومع ذلك واخدين حقهم ومحدش يفتح بقه معاهم احنا بس اللي بناخد على دماغنا لأننا مالناش رأي ولا موقف
|