بص يا باشا
انت بتقول ان مش شرط العضو يعرف كل حاجه
و فى فرق بين العضو و المشرف و السوبر و الادارى و الادارى التعليمى و المدير و نائب المدير و و و
انا معاك على فكره فى الكلام ده
يمكن فى ناس ممكن تستغرب كلامى
بس فعلا كلامك صح
انا فعلا قرأت فى كورسات قياده و مارست كتير فى حياتى العمليه
مهام و تجارب كنت فيها قائد او مقود و لحد دلوقتى بمر بتجارب زى دى
و عارف ان ساعات فى بعض القرارات ممكن متاخدش رأى الاعضاء او المشرفين كمان
مادام انت هتبقى المتحمل الوحيد مسئولية قرارك و نتيجته
لكن فى حاجه انت ممكن متكونش واخد بالك منها
ان رئيس شركه تختلف قيادته عن قيادتك بعض الشئ
انت فى الاخر مش معاك موظفين
اولا و اخيرا انت معاك ناس قاعده او عايزه تمشى كله بمزاجها
يعنى السبب اللى هيخليهم قاعدين سواء حبهم للمكان و الناس اللى فيه
و السيستم اللى ماشى بيه النظام و كده
يبقى انت لازم تراعى دى
بمعنى انك تبقى مريح الناس بتشوف اقتراحتهم
و ايه اللى مضايقهم
مقولتش ان كل الاقتراحات تنفذ
انا واحد من الناس اما اقول اقتراح
ببقى عارف انه فى الاول و الاخر القرار قرارك
و ان انت ممكن تبقى شايف الدنيا احسن منى
لو انا شايف جزئيه معينه انت مش واخد بالك منها
يبقى هتتفهم اقتراحى و تنفذه
و لو طلعت وجهة نظرى غلط
قرارك اللى هيمشى
بس تناقشنى فى رأيى
يعنى تقولى لا مش هينفع اقتراحك عشان كذا كذا
ونا افهم
و هعرف اسلوبك اما الاقى انك ممكن تنفذ اقتراحات ناس تانيه افضل من اقتراحى
او انا اقترحت اقتراح افضل تاخد بيه
يعنى قصدى من الاخر تسمع منى و تشوف رأيى و تريحنى
تانى حاجه ان يكون فى مجلس اتخاذ القرار فى الموقع معقد كل فتره مثلا
مجلس اتخاذ القرار اقصد بيه انت يا باشا و استاذ حسام و استاذ عصام و المشرفين الاداريين
انا عارف ان لو بصينا للكلام اللى انا كتبته فوق
ان مش من حقى كعضو افرض عليك حاجه زى دى
بس اعتبرها نصيحه من اخوك الصغير يا سيدى
بمعنى انك اما تقعد معاهم كل فتره و تطلعو بقرار
ايه اللى هيخلى العضو مضايق و هوا شايف القرار من مجلس مكون من 8 افراد واثق فى اسلوب تفكيرهم
فهمت قصدى؟
يعنى تخلى الناس قاعده فى الموقع عشان بتحب سياستك
مش عشان بتحب الموقع و بس
انا كل ده و مسألتش هههههههههههههههههه
معلش صدعتك معايا
سؤالى ايه تعليقك على كلامى و الرغى اللى كتبته ده
و ياريت ميكونش فيه حاجه ضايقتك
