[عبقرينومان]

المشاركة الأصلية كتبت بواسطة the black rose

السلام عليكم و رحمة الله و بركاته

استاذ اشرف انا قولت انى مش هسالك امبارح بس انا هسالك النهاردة
قر و اعترف

أقر واعترف انكم عايزين تموتوني
بالراحة حرااااااااااام مش كداااااااا

1- حضرتك قولت ان ملكش اصدقاء عالموقع بس اكيد فى شخصيات بتحترمها ممكن تذكرلنا بعض منهم؟

صوت الحق - حسام دراج - محمد سرور - نداء الجنة - محمود طه القالع - سيد عثمان - وليد عسكر - حضرتك - وناس تانية كثيرة جداااااااا . وكل من يعرف انه شخص محترم فاعلمي اني احترمه

2- ايه رايك فى الكذب و الكذابين؟

انه اسلوب رخيص للنجاة من موقف ما ولا يفلح الكاذب أبداً

3- حضرتك قولت انك حسيت بالظلم طب ايه احساسك لما تكون الظالم؟ و هل تعتبر الكذب ظلم؟

مش عارف بس لو حسيت اني ظلمت حد بجد بدور عليه بسرعة وبحاول اصلح موقفي بسرعة
والكدب ظلم ممكن يكون كدا

4- ايه سبب شرائك للمنتدى؟ و هل من الممكن تبيعه و تتخلى عنه؟

الموقع لم يتم شرائه بالشكل الذي يعلمه الجميع فهو بيني شراكة مع شركة هايل جروب المتمثلة في الاستاذ محمود (admin) وانا المسئول عن ادارة الموقع بالكامل وجميع التعاملات الخارجية والداخلية للموقع وممكن تقوم الشركة من وقت لاخر لاي عملية ترقية او دعم فني وفي اوقات مش ببقي موجود بيتصل بالاستاذ محمود بيحل مشاكل دعم فني كثيرة بس اغلبية مشاكل الدعم بيحلها الاستاذ علي مدكور الموجود معانا وانا الحمد لله بقيت كويس في موضوع الدعم الفني فبنسبة 90% من مشاكل الدعم الفني بحلها بنفسي
وحكاية اننا ممكن نبيع الموقع دي محالة وبأذن الله طول ما حييت عمري ما اتخلى عن الموقع ابدأ أو اترك الموقع الذي ربيته على يدي
فمينفعش حد يسيب اولاده او بيته

5- قولنا اكتر موقف اتعلمت منه فى الحياة؟

كل يوم بتعلم مواقف اكثر من اللي قبلها
بس اللي اتعلمته بشكل اكبر يتمثل في هذه الكلمات
( ان ارخصت نفسك عند قوماً فلا تحزن ان اساءوه إليك)

6-

مين من اعضاء المنتدى فى وجهة نظر حضرتك بيصطنع الاحترام وبيصطنع التدين (ياريت من غير دبلوماسية عشان الغلطان يعرف غلطه) ده سؤال شوفته فعجبنى جيبته
مفيش حد بيصطنع الاحترام وكل واحد باين جدااا طريقته الحقيقة فالمحترم بظهر بكامل احترامه ومن يصطنع يهر عليه في كثير من المواقف ومصطنع التدين بيبان فعلا

7- حضرتك بتحب الاعضاء؟ و تعرف كام% من المتواجدين باستمرار؟

طبعا اعرف عدد كبير من المتواجدين لان اغلب المتواجدين من مشرفين واعضاء بيراسلوني على الخاص لبعض المشاكل او المقترحات

8- هل شخصيتك عالنت تتخلف كثيرا عن الواقع؟ايه وجه الشبه و ايه وجه الاختلاف؟

لا نهائيا ، نفس اسلوبي معاكم هو اسلوبي بالخارج
بمعنى لو حد شايفني هنا سلبي فيعلم اني سلبي خارج الموقع
ومن يعلم من مشاركتي ان صعب ولا اتفاهم فيجد ذلك خارج الموقع فعلا
ومن يعلم اني طيب ومحترم فيجد ذلك بالخارج
فمن فهمني على طريقته فليعلم اني كذلك بالخارج

9- حضرتك شايف انك سلبى؟

ممكن اكون سلبي في وقت معين وهو عند عدم معاقبة المخطأ بسرعة وفي نفس اللحظة وتأخير العقاب

10- كنت بتدخل كرسى الاعتراف زمان ولا دى اول مرة ؟ و ايه رايك فيه فكرته حلوة و قربك من الاعضاء ولا بتقول ياريتنى ما دخلته

اه دخلته زماااااان ، فكرته تخنق ، يعني قربتني قليلا وفي 3 حد الان بدوأ يفهموا شخصي عقبال ترافيل وانتي وتبطلوا اسئلة بقي حراااااااااام

11- طبعا كومندو سال انت خريج ايه انا بقى بقولك اتخرجت سنة كام؟ و بتشتغل ايه؟ و هل كنت متفوق فى الدراسة؟

اتخرجت سنة 2003 واشتغلت فترة كبيرة في معاهد حاسبات والآن لدي مركز حاسب كبير بفضل الله المركز بالتعاون مع الاكاديمية العربية وبالتعاون مع وزارة التنمية الادارية ومن اسبوع كان هناك تعاون مع شركة ets العالمية المانحة للشهادة التوفيل في الانجليزية
وأكيداااااااا كنت متفوق في الدراسة بس مش كنت بذاكر كنت بعتمد على الفهم

12- ايه هو حلم حياتك؟ و بتعمل ايه عشان تحققه؟

حلم حياتي عضوية مجلس شعب
وبعمل ما في وسعي للوصول لهذا المنصب وبالطرق الشرعية لاني بحلم عند تمام 32 عام هيكون في دورة انتخابية وارشح نفسي كأول شاب يرشح نفسه عند هذا السن بأذن الله

13- ايه اللى حققته من احلامك و ايه اللى لسة متحققش ؟

من ضمن احلامي اني اكون من أمهر مدربي علوم الكمبيوتر وده حققت منه جزء كبير بفضل الله وكمان حلمت ببيت وعيلة والحمد لله عندي زوجة وولدين وحلمت ان الموقع ده يكبر يوم ما كان فيه 2500 عضوا وكام مشاركة والان بدا حلمي بالتحقق واصبح اكثر من 160 الف عضو وقرابة المليون مشاركة واللي لسا ما اتحققش
بحلم يكون مركز تدريب الكمبيوتر واللغات بتاعي معهد خاص كبير وبحلم بعضوية مجلس الشعب ونفسي احلم بالرسول

14- معاك تلات ورود تهديهم لمين؟

هحطهم في كتاب واقفل عليهم واشوف بعد كام سنة وابدأ اهديهم لناس وشوفوا هيقبولوا الوردة مع انها ما بقتش وردة علشان خاطر اشرف ولا هيرمومها ويستهينوا بي

15- من وجه نظرك بما انك فتحت ملف الرومانسية هو اللى يحب فعلا ميكرهش؟ يعنى لو كره يبقى مكنش بيحب؟

اللي يحب يقدر يكره
وبعدين انا اتكلمت في الرومانسية مش في الحب
وشتان شتان بين هذا وذاك
ولو كره اكيد كان بيحب واللي بيحبه عطا له قلم مثلا او كدب عليا في حاجة فكره

16- ممكن تقولنا اصعب موقف مريت بيه فى حياتك؟

كل المواقف اللي بتمر عليها مهما كانت صعوبتها بحاول اتغلب عليها فمش بعتبرها موقف صعب ولكن بعتبرها درس شيق ويجب التعلم منه وتطبيق الواجب اللي اخذته في الدرس في حياتي

17- بتحب الشعر؟ بتحب تقرا لمين؟

بحب الشعر طبعا
بسب بحب الشعر الاسلامي
واحب اسمع قصائد دينية كثيرة جدااااااااا

18- هل انت مثقف؟قرائت كام كتاب؟

اه الحمد لله مثقف جداااااا وكنت بقرأ بكثرة السنين الماضية بس بعد دخولي عالم الحاسوب بدأت اسمع أكثر وانا مدمن لقناة الجزيرة الوثائقية (قناة المعرفة) دي تقدر تكون منها مثقف وبحب قناة cnbc عربية (قناة المعرفة الاقتصادية)

19- سؤال كدة اخير مين انشأ قسم معلومات عامة و مين صاحب الفكرة؟ انا عارفة بس بتاكد

ما دام عارفة أكيد كلامك صح
والله ما هزعلك اللي انت عارفة اكيد هو اللي اقترح

لى عودة ان شاء الله

ربنا يكرمك ويرزقك الاخلاص ويدخلك الجنة
بلاش موضوع عودة
ارحموني
احسن والله انسحب
حرااااااااااااااااام

ملحوظة : لو الاستاذ اشرف مردش على اسئلتى حد من حبايبى يحط نفس الاسئلة

انا رديت بلاش تردي انتي تاني بقي كفاية