دلوقتي بقى الدفعة الثالثة من الاسئلة
49-عايزة تعليق من حضرتك على الجمل دي:
-ما طار طير وارتفع الا كما طار وقع؟
مش دايما......مش لازم الفشل يصاحب النجاح إلا لو كان نجاحنا بطرق غير مشروعة
-الشيطان استاذ للرجل وتلميذ للمرأة؟
لية يعنى؟!!!!
الشيطان شيطان........والمرأة مرأة ......والرجل رجل
وحرام نحكم على جنس كامل بتصرفات أفراد فية
-اللي خدته القرعة تاخده ام الشعور؟
بجد بجد اية اللى جاب القرعة لأم الشعور
والله نفسى أفهمة........لو فاهماة بالله عليكى فهمهولى
او يمكن معنا ان محدش أحسن من حد
50-طيب تقول ايه لكل من:
-فاروق حسني وزير الثقافة:
أكتر وزير تربع على كرسى الوزارة أكتر من 22 سنة
يللا هندخل موسوعة جينس على حسك
-علي الدين هلال:
هو دة وزير التعليم العالى؟؟؟
لو هو يبقى.........تعظيم سلام
م الثانوية للكلية يا قلبى لاتحزن
هو بس عارف عن مهازل الجامعات ولا بينظر لينا من مكان عالى
-احمد نظيف:
نضفتنا ع الآخر
-جمال مبارك:
أبية جيمى.....هو دادى سماك ع اسم عبد الناصر
ظلموك يا عبد الناصر..........يارب تخيب ظننا
-الممثل خالد صالح:
ربنا يوفقك للى فية الخير ليك وللناس
51-الحجات دي بتمثل ليك ايه؟
-مصر:
هى أمى نيلها هو دمى
والحاجات بتاعة ابتدائى انى شربت من نيلها الملوث واتنفست سحابتها السودة
بس بردوا هى بلدى الى مليش غيرها واللى ليها حق عليا
-قناة الحكمة:
ربنا يوفقهم ويكرمهم
-الاهلي:
بجد أنا بكرة الكورة جدااااااا
بحس أنة هبل وتضيع وقت ع الفاضى ويوم م الأهلى يفوز كأننا عملنا انجاز تاريخيى
-مكتبة الكلية:
علطول العيال بتوع الماجستير بيمتحنوا فيها
نفسى أشوف أكتر من بابها
52-تفتكر لو مصر هتحارب يبقى هتحارب مين وامتى؟؟
هتحارب حكومتها
فى القريب العاجل......البلد بتغلى
53-ايه اكتر صفة بتحبها في الشعب العربي واكتر صفة بتكرهها؟؟
بكرة هبلهم وغبائهم وحسن نيتهم اللى موديهم فى داهية والمظاهر الكدابة زيادة عن اللزوم
بحب اية؟؟,,,,,,,,قوليلى انتى
54-ايه اخبار الاسئلة المرة دي؟؟
تمام يا باشا
55-بتعتبر نفسك من الناس اللي بترد الساءة بالاساءة ولا انت متسامح؟؟
لأ.........أنا بكبر غالبا لأنى مبحبش وجع دماغ ع الفاضى
بس اساءة عن اساءة تفرق
56-ايه نسبة ثقتك في نفسك؟؟
40%...........وحش صح؟؟؟
57-ايه رأيك في مرتضى منصور؟؟
مش دة بتاع كورة
ما أنا قولت مليش فى البتنجان دة
58-ولو انت في مكانه كنت هتتصرف زيه؟؟
مهو أنا مش عارفة هو عمل اية؟؟؟
59-انت دخلت الموضوع دا ليه؟؟ عنوانه اثر فيك ولا انت عارف اصلا محتواه مسبقاً؟
العنوان شدنى فى الأول..........فكرتك عاوزة حاجة ولا بتاع
وبعدين طبعا دى مش أول مرة أدخلة فعرفت المحتوة بعد كدة
ودخلت عشان اجاوب وأشوف اجابات بعض الناس
60-تعرضت قبل كدا انك تطرد من محاضرة او من درس؟ وكان ايه شعورك ساعتها؟؟
اطلاااااااااااااااقاااااااااااااااااا
ولو حصل أنا ممكن أروح فيها
وع فكرة أنا دايما فى المحاضرة بقعد فى البنج التانى أو التالت أو الرابع
61-ايه رأيك في وزارة الشباب؟؟ شايف انها قايمة بدورها؟؟
وزارة اية؟؟؟؟؟؟
طبعا قايمة بدورها أنتى مش شايفة النوادى المنتشرة و ال.......وال..........وال.......
62-تفتكر ان مصر كانت كويسة في بكين(دورة الالعاب الاولومبية)؟
كانت تحفة فنية رااااااااااااائعة تعبر عن البتنجان المصرى والكوسة المستوردة
63-ايه مواصفات اللي تتمنى وجودها في زوجة المستقبل\والبنات في زوج المستقبل؟؟
يتقى ربنا فيا ويكون مسلم بحق وحقيقى
64-تفتكر ليه ارتفعت نسبة العنوسة في العالم العربي؟؟
ههههههههههههه
عندنا فى البلد اللى قدى معاهم عيال دلوقتى
تبقى عنوسة اية بس؟؟؟؟
65-لو خيروك بين التضحية بحبك او بقوة شخصيتك تضحي بمين؟؟
أنا شخصيتى مش قوية عشان أضحى بيها
67-تفتكر اكمل موضوع الاسئلة دا واضيف اسئلة جديدة ولا بلاش؟؟
براحتك يا بنوتة
أية الديموقراطية دى؟؟؟!!!
أنتى متاأكدة أنك مصرية؟؟؟؟
68-طيب من اسألتي كدا قدرت تعرف حاجة عن شخصيتي؟؟
بنوتة مثقفة ........أسئلتها مش هايفة ........وأعتقد ان كل سؤال لية هدف
يعنى الموضوع مش غرضة كتر الردود بس
أما شخصيتك فأنا أعرف عنها من مصادر تانية
69-انت مؤمن بموضوع حب الكليات دا؟؟
فى الأول...........لكن بعد كدة دخلت الكلية اللى بحبها ودلوقتى عاوزة اولع فيها بجاز
70-بتعتبر نفسك اديت كل فترة من حياتك حقها؟؟ يعني مثلا طفولتك وصباك وشبابك..؟ عيشت حياتك ولا عشت في اكبر او اصغر من سنك؟؟
طول عمرى بعيش حياتى كأكبر من سنى
وبعتبر اللى بيعملوة اللى فى سنى هبل
بس دلوقتى ابتديت اتعدل الى حد ما عشان مش أندم ع اللى فات
خصوصا انى ندمت جداااااااا ع أوقات مش عشتها فى وقتها
ومش عاوزة دة يتكرر تانى
يلا اسيبكم بقى وعايزة ردودكم الجامدة