بسم الله الرحمن الرحيم
اخيراً الدفعه التالته من الاسئله
كنت مستنياها بفارغ الصبر
هيه ما علينا
49-عايزة تعليق من حضرتك على الجمل دي:
-ما طار طير وارتفع الا كما طار وقع؟
ده حالنا كلنا
-الشيطان استاذ للرجل وتلميذ للمرأة؟
ايه الهبل ده الشيطان بيوسوس الاتنين و مش هتفرق
-اللي خدته القرعة تاخده ام الشعور؟
برضو ده حالنا
50-طيب تقول ايه لكل من:
-فاروق حسني وزير الثقافة: ربنا يهديك
-علي الدين هلال:ان الله يمهل ولا يهمل
-احمد نظيف:حسبي الله و نعم الوكيل
-جمال مبارك:زهقنا والله
-الممثل خالد صالح:انت جامد جدا
51-الحجات دي بتمثل ليك ايه؟
-مصر:بلدي
-قناة الحكمة:ولا بفتحها بصراحه
-الاهلي:نادي زي اي نادي
-مكتبة الكلية:انا مش في كليه
52-تفتكر لو مصر هتحارب يبقى هتحارب مين وامتى؟؟
اكيد هتحارب امريكا او اسرائيل على مدى السنين الجايه بس ربي ما يجيب حرب
53-ايه اكتر صفة بتحبها في الشعب العربي واكتر صفة بتكرهها؟؟
اكتر صفه بحبها ... والله مش بحب انافق و اقول حاجه مش موجوده
و اكتر صفه بكرهها انه مفتري و معتمد على غيره و مش عايزه اكتر من كده
54-ايه اخبار الاسئلة المرة دي؟؟
سياسيه و هتودينا ورا الشمس
55-بتعتبر نفسك من الناس اللي بترد الساءة بالاساءة ولا انت متسامح؟؟
متسامحه لدرجة الهبل 
56-ايه نسبة ثقتك في نفسك؟؟
قولي 80%
57-ايه رأيك في مرتضى منصور؟؟
بحس انه مستفز اوي اوي
58-ولو انت في مكانه كنت هتتصرف زيه؟؟
لا
59-انت دخلت الموضوع دا ليه؟؟ عنوانه اثر فيك ولا انت عارف اصلا محتواه مسبقاً؟
عنوانه شدني و كمان محتواه جميل اوي
60-تعرضت قبل كدا انك تطرد من محاضرة او من درس؟ وكان ايه شعورك ساعتها؟؟
لا الحمد لله
61-ايه رأيك في وزارة الشباب؟؟ شايف انها قايمة بدورها؟؟
مش قايمه بدروها خالص .. تقريباً مش موجوده كده
62-تفتكر ان مصر كانت كويسة في بكين(دورة الالعاب الاولومبية)؟
مش اوي
63-ايه مواصفات اللي تتمنى وجودها في زوجة المستقبل\والبنات في زوج المستقبل؟؟
مش بفكر في الزواج و مش ناويه على فكره
بلا هم يا شيخه :D
64-تفتكر ليه ارتفعت نسبة العنوسة في العالم العربي؟؟
عشان الشباب مش لاقي ياكل
65-لو خيروك بين التضحية بحبك او بقوة شخصيتك تضحي بمين؟؟
بقوة شخصيتي
67-تفتكر اكمل موضوع الاسئلة دا واضيف اسئلة جديدة ولا بلاش؟؟
لا ضيفي يا عسل
68-طيب من اسألتي كدا قدرت تعرف حاجة عن شخصيتي؟؟
انك مهتمه بالقضيه السياسيه مش عارفه ليه 
69-انت مؤمن بموضوع حب الكليات دا؟؟
انا مش في كليه قولت السنه الجايه ممكن ارد عليكي ان شاء الله
70-بتعتبر نفسك اديت كل فترة من حياتك حقها؟؟ يعني مثلا طفولتك وصباك وشبابك..؟ عيشت حياتك ولا عشت في اكبر او اصغر من سنك؟؟
طفولتي .. مش اديتها حقها خااالص
صبايا يعني مش اوي
شبابي اهو بستغله زي ما ربنا عايز
لا انا عايشه اكبر من سني بكتير ..
شكراً للموضوع الجميل ده يا قمري و مستنيين باقي الاسئله
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|