[COoL HEaRT]

هو بدايه الصوره الرمزيه مخالفه ..

المهم ردا ع الموضوع

هو الواحد فعلا لو تخيل انه هيموت بكره كل حاجه بتختلف

فكره انك هتحس بقيمه كل حاجه واى حاجه

هتشوف الدنيا بنظره تختلف كتير عن النظره اللى احنا بنشوفها

انا لو فعلا هعيش دور انى هموت بكره وخلاص

انا حاسه انى حتى طعم الميه هحسه

هحس بقيمه الناس اللى حواليا

بالنسبه للى هعمله

اكيد هحاول اعمل اى حاجه تخلينى اقرب لربنا

هستغفر كتير

هبعت رساله للناس اللى زعلتها واطلب منهم انهم يسامحونى

وهبعد عن البيت خالص

لانى مش هبقى عاوزه اشوف حد ولا اكلم حد

هطلب منهم يسامحونى ع اى حاجه هبله عملتها وضايقتهم

ومش هقول طبعا انى هموت بكره يعنى هى العمليه مش ناقصه

بس همشي من البيت واروح بئا

معرفش هروح فين بس المهم مشفش حد فى اللحظه دى

اروح جامع احسنلى اهو الواحد يحس انه مات وهو فى بيت ربنا

هتبقى احلى



..بس
المفروض اصلا نكون عايشين بمبدا ان احنا هنموت بكره وده هيقوى صلتنا بربنا

وبردو نحس ان احنا مش هنموت وده اللى هيخلينا نعرف نبنى ونعمر يعنى احنا خلقنا للعباده عن طريق تعمير الارض

بس الواحد لو فضل مدرك انه خلا هيبقى كل تفكيره ان مهما عمل مش هيلحق

فهيقصر حياته ع الصلاه والصوم والقران وده غلط

كلنا عارفين موقف الرسول من الراجل اللى كان قاعد فى الجامع مقتصر ع العباده بس

فالحياه مش اتخبقنالها عشان نصوم ونقرا قران ونصلى بس

مجرد ان الواحد يكون عنده هدف فى حياته ويحاول يحققه

ده نوع من انواع العباده العمل نفسه عباده لله


فى فيلم سو saw الفيلم ده بالرغم انه اجنب يعنى وومن المفترض انه رعب

بس بجد فيلم كويس جداا لو فهمنا بشكل تانى

يعنى كان بطل الفيلم او المسؤول عن الجرايم بتاعته واحد مريض بالسرطان

يعنى عارف انه كده كده ميت

الراجل ده قال جمله انه بدا يعيش فى الوقت اللى اكتشف انه هيموت

ماعلينا من باقى الفيلم بس هو كويس فعلا وخاصه الحزء التانى

تعليقا ع اسلوب طرح الموضوع هو انت كنت ممكن تعرضه بشكل افضل من كده كتير

يعنى عشان يكون موضوع متكامل يعنى

بس