اقتباس:
المشاركة الأصلية كتبت بواسطة _guide_
والله معاك حق فعلا يامستر شريف
المنتدى معظم الموجودين فيه حاليا من قسم الكادر
ودى حقيقة مقدرش انكرها
بس انا بقالى يومين بنقل من وراء ميسو وليد موضوع واحد نتيجة الكادر امتا - اخر ميعاد - ...ألخ
مواضيع متشابه الاسماء والمحتوى والمضمون
فين الفائدة بئا
عمتا انا بحب احى حضرتك على مشاركتك فى الاقسام الاخرى للمنتدى بجد ده شىء اسعدنى
انك تخرج من قسم الكادر وتشوف باقى الاقسام وتتحاور مع الاعضاء
وتتاكد ان المنتدى مش جزء من قسم الكادر قسم الكادر هو اللى جزء من المنتدى
ملحوظة انا لسه عند راى  |
اسلام باشا مش عيب انك لسه عند رأيك ...ده مهما كان برضو اسمه رايك يعني تفكيرك ومنطقك
وانا معاك قلبا وقالبا ان القسم اتملا موضوعات متشابهه ولها نفس المحتوي والمضمون بل ولها نفس العنوان كمان (شوف الاستفزاز)
لكن برضو عايز اقولك ان دول كلهم او علي الاقل معظمهم اعضاء جدد والقسم بيمر ماتنساش بظروف خاصة جدا
نتيجة الكادر عاملة لكل المدرسين قلبان
ربنا ما يوريك
والاستاذ وليد الله يعينه لوحده برضو وبيبذل مجهود خرافي
كل ثانية وكل دقيقة تعليق جديد وموضوع جديد ومشاركة جديدة كان الله في عونه
فلو حد من المشرفين الاداريين حاول يساعده كمان يبقي خير وبركة وجزاه الله خيرا
وبعدين يا اخ اسلام مافيش حد عاقل هيقول ان المنتدي جزء من قسم الكادر ده يبقي مش طبيعي
طبعا قسم الكادر جزء من الكل
لكن عايز اقولك انه جزء يملا العين ويعتبر من اهم الاجزاء
وعلي ايدك شوف عدد المتواجدين يوميا
وبرضو حاول تكتب موضوع في قسم الكادر وشوف ردود الاعضاء وايجابيتهم وف نفس الوقت اكتب في القسم العام كده موضوع وشوف الناس هترد عليك ولا هتشارك امتي!
علي فكرة
لو كنت انت مدرس كنت هتحس بالظلم اللي بنعاني منه
وفي نفس الوقت فرحتنا بمكان نجتمع فيه
دمج المكان ده في قسم تاني او الغاؤه يعتبر نوع اخر من انواع الكبت اللي احنا فيه ونوع تاني من انواع الظلم
وبالظبط عامل زي ما يكون مجموعة من الامن المركزي بيرشوا ميه علي مجموعة من المشاركين في مظاهرة سلمية ليس فيها الا هتافات !