اقتباس:
المشاركة الأصلية كتبت بواسطة dr.ahmed91
موضوع جميل وعجبني قوي
انا بقى اكتر الحاجات اللي بتتقاللي
قوم من على المذاكرة شوية ... نام بقى
انت كل يوم تصحى بدري حتى الجمعة....نام شوية
اختي طبعا الله يسفرها لجوزها ....عشان اخلص
نازل دح دح طول النهار... بطل بقى
وعلى النقيض برضه
انت مش بتقوم من على الكمبيوتر ... انت اللي مبوظه ..انا حشيل الdsl
افرد ظهرك وانت قاعد
وبرضه عندك
احمد حتاكل ايه؟؟؟ عاوز تتغدى ايه بكره ( بقول بس مش بيتعمل غالبا)
اجيبلك اكل ايه وانا جايه؟؟
عشان كده تلاقوني عريض النمكبين قوي الشكيمة شلولخ
جملة زي (قوم ذاكر ) كنت بسمعها زمان ايام ابتدائي بس بقالها كتيررررررررر قوي اتلغت
ده غير جملة بابا الليلية الشهيرة (شوفلي عمك على المسنجر موجود)
اصله في اميركا
وغير جملة ماما الليلية برضه (اصحيك امتى بكره)؟؟؟؟
وبعد كده تطنشني واصحى لوحدي
وفيه جملة بتتكرر من اختى كل يوم ( قوم على الكمبييوتر عاوزه اكلم هاني) جوزها في الرياض
دي نماذج بسيطة
|
كل دى حاجات بسيطة
موضوع الماسنجر دة منقذى على فكرة
لان كل ما ماما تكلمى على الماسنجر بتسالنى السؤال المعهود
انتى ليه قاعدة على النت اقولها هو انا بلعب يعنى
ما انا قاعدة عشان اكلمكم