[Sharp Nails]

المشاركة الأصلية كتبت بواسطة mohammed.el_sadat

دخان

ياااااااااااااااااااااااااااااه
الكلمه دى متعبه بشكل الواحد صدره إشتكى
أنا مش بشرب بس لما صدرى بيوجعنى بخاف أروح أكشف الدكتور يصدمنى ويقولى إنت بتشرب سجائر من كام سنه
طب انت ولد عادى لما الدكتور يقول كدة
انا خايفة اروح اكشف الدكتور يقولى كدة
وخصوصا انى كل يوم
ادخل البيت ماما تقولى
اية يابنتى ريحة السجاير دية
اقولها لا ياماما عادى
ضربتلى اتنين وانا جاية فالطريق
يعنى القضية لبسانى لبسانى

بجد دى بقه حاجه فظيعه
دلوقتى بقو بيرضعو العيال سجائر ويفطموهم شيشه وبعد 5 سنين يخشو على الكابتشينو

ما شاء الله بقى جيل يشرح القلب
أما بقى من ناحيه قش الرز
يا عينى أنا أصلاً قاعد فى قريه يعنى أراضى وكلام من ده أنا بقى أدمنت قش الرز ده ليل نهار سحابه دخان طالعه من البلد بيتهيألى الواحد لو بطل يشم يتعب ويضطر يتعالج تروح للدكتور تقوله مريضه شم قش رز

غير طبعاً بقى مصانع الزبيب اللى أكيد إنت متعرفيش عنها حاجه دى أجارك الله يابنتى ربنا ما يوريكى حاجه كده زى
" القر.... "
يارب ما اشوفها انا مش ناقصة
صحتى

دخنها بيدمر الرئه ماشى بيجيب سرطان ومالو إلتهاب فى الكبد ................ إلخ
حاجه كده زى الموت بالبطىء نظام تعذيب
أهى دى أيام جمع محصول العنب يتخلى الواحد يجيب جاز الناس بتصحى الصبح تشم هو نظيف وإحنا بنصحى نشم كبريت وصوده
الله

والله الواحد حاسس إنه جاب جاز على ما كتب الرد
بس الخطأ فى الأول والأخير علينا إحنا
هو إحنا هنقعد نقول الحكومه الحكومه طب ما إحنا اللى بنعمل كده فى نفسنا لما بنشوف الغلط وبدل ما نواجهه بندارى عليه ونزود فيه

بجد
نعيب على الزمن والعيب فينا وما لزمننا عيب سوانا

بس فى حاجة يامحمد
الحكومة لو متابعة الناس دية وبجد حاطة قوانين بجد
مش مجرد روتين وحبر على ورق
مكنتش الناس دية حرقت القش ولا مشيت بالسجاير ولا مشيت بعربيتها شكمنها بايظ

لو فى عقوبات فعلا جامدة على الحاجات دية
اكيد هيتصلح الحال

انا صحيح فى مدينة صناعية
بس المصانع عملنها بعيد تماما عن المدينة
وعملنها باستراتيجية معينة
بحيث الدخان الى يخرج مالمصنع
الهوا يخده على عكس المدينة
بجد احنا عندنا مفيش الهرجله دية
والى بيشرب سجاير عندنا يشربها فى اوضته مع نفسه كدة
مش فالاماكن العامة الى فيها ناس

انا بحمد ربنا والله ان مدنتى كدة
بس للاسف انا نزلت الجامعة
وبقضى نص يومى فالقاهرة

صحتى باظت والله